ബജാജിന്റെ പുതിയ ഇലക്ട്രിക് സ്‌കൂട്ടര്‍ ഉടന്‍ വിപണിയില്‍; 'ചേതക് 3001', അറിയാം ഫീച്ചറുകള്‍

ന്യൂഡല്‍ഹി: പ്രമുഖ ഇരുചക്രവാഹന നിര്‍മ്മാതാക്കളായ ബജാജ് ഓട്ടോ തങ്ങളുടെ ജനപ്രിയ ചേതക് ( bajaj chetak) ശ്രേണിയില്‍ ഒരു പുതിയ ഇലക്ട്രിക് സ്‌കൂട്ടര്‍ പുറത്തിറക്കാന്‍ ഒരുങ്ങുന്നു. പുതിയ സ്‌കൂട്ടറിന്റെ പേര് ചേതക് 3001 എന്നാണ്.

ആര്‍ബിഐ വീണ്ടും പലിശ കുറയ്ക്കുമോ?; പണപ്പെരുപ്പനിരക്ക് 14 മാസത്തെ താഴ്ന്ന നിലയില്‍

വിശദാംശങ്ങള്‍ ഇതുവരെ പുറത്തുവന്നിട്ടില്ലെങ്കിലും പുതിയ മോഡല്‍ നിലവിലുള്ള ശ്രേണിയിലേക്കുള്ള കൂട്ടിച്ചേര്‍ക്കലോ നിലവിലുള്ള ചേതക് 2903 ന് പകരമോ ആകാം. ബജാജ് ചേതക് 3001 ല്‍ 3.1kW ഇലക്ട്രിക് മോട്ടോര്‍ ഉണ്ടായിരിക്കുമെന്ന് പ്രതീക്ഷിക്കുന്നു. മണിക്കൂറില്‍ 62 കിലോമീറ്റര്‍ വേഗത്തില്‍ സഞ്ചരിക്കാന്‍ കഴിയുന്ന സ്‌കൂട്ടര്‍, ദൈനംദിന നഗര യാത്രകള്‍ക്ക് അനുയോജ്യമായവിധമാണ് ഡിസൈന്‍ ചെയ്തിരിക്കുന്നത്. സ്‌കൂട്ടറില്‍ 3kWh ബാറ്ററി പായ്ക്ക് സജ്ജീകരിച്ചിരിക്കാന്‍ സാധ്യതയുണ്ട്.

റിലയന്‍സ് ജിയോ സേവനം തകരാറില്‍; പരാതിയുമായി ആയിരങ്ങള്‍

ഡിസൈനിന്റെ കാര്യത്തില്‍, ചേതക് 3001 നിലവിലുള്ള ചേതക് ശ്രേണിക്ക് സമാനമാകുമെന്ന് പ്രതീക്ഷിക്കുന്നു. സ്‌കൂട്ടറിന് 1,914 മില്ലീമീറ്റര്‍ നീളവും 725 മില്ലീമീറ്റര്‍ വീതിയും 1,143 മില്ലീമീറ്റര്‍ ഉയരവും 168 മില്ലീമീറ്റര്‍ ഗ്രൗണ്ട് ക്ലിയറന്‍സും ഉണ്ടാകാം. 1,355 മില്ലീമീറ്റര്‍ വീല്‍ബേസും 123 കിലോഗ്രാം ഭാരവുമുള്ള സ്‌കൂട്ടറിന്റെ വില ഏകദേശം 1 ലക്ഷം രൂപ (എക്‌സ്-ഷോറൂം) ആയിരിക്കുമെന്നും പ്രതീക്ഷിക്കുന്നു.