ന്യൂഡല്‍ഹി: രാജ്യത്ത് ജിഎസ്ടി വരുമാനത്തില്‍ ഇടിവ്. ഏപ്രില്‍ മാസത്തെ അപേക്ഷിച്ച് മെയില്‍ ജിഎസ്ടി വരുമാനത്തില്‍ 16.6 ശതമാനത്തിന്റെ ഇടിവാണ് രേഖപ്പെടുത്തിയത്. മെയില്‍ 1.40 ലക്ഷം കോടി രൂപയാണ് ജിഎസ്ടി വരുമാനം.

അതേസമയം മുന്‍വര്‍ഷത്തെ സമാന കാലയളവിനെ അപേക്ഷിച്ച് മെയ് മാസത്തില്‍ വരുമാനം വര്‍ധിച്ചു. കഴിഞ്ഞ വര്‍ഷം മെയ് മാസത്തില്‍ 97,821 കോടി രൂപയാണ് ചരക്കുസേവനനികുതിയായി പിരിച്ചെടുത്തത്. 44 ശതമാനമാണ് വാര്‍ഷിക വര്‍ധന.

മെയ് മാസത്തില്‍ കേന്ദ്ര ജിഎസ്ടിയായി പിരിച്ചെടുത്തത് 52,960 കോടി രൂപയാണ്. 55,124 കോടിയാണ് സംസ്ഥാന ജിഎസ്ടി. കഴിഞ്ഞദിവസം സംസ്ഥാനങ്ങള്‍ക്കുള്ള ജിഎസ്ടി നഷ്ടപരിഹാരമായി 86,912 കോടി രൂപ കേന്ദ്രം അനുവദിച്ചിരുന്നു.

ഈ വാർത്ത കൂടി വായിക്കാം 

വാണിജ്യ സിലിണ്ടറിന്റെ വില കുറച്ചു

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ