പത്തുവര്‍ഷം ജോലി ചെയ്താല്‍ ഇപിഎഫ് പെന്ഷന് എത്ര കിട്ടും?, 20 വര്‍ഷത്തില്‍ എത്ര?; കണക്ക് ഇങ്ങനെ
ജൂണ്‍ 29നാണ് പുതിയ എംപ്ലോയീസ് പെന്ഷന് സ്‌കീം (EPS) 2026 കേന്ദ്രസര്‍ക്കാര്‍ വിജ്ഞാപനം ചെയ്തത്.
epf pensionപ്രതീകാത്മക ചിത്രം
Edited by :Dhanoj AM
Last Updated :8 ജൂലൈ 2026, 1:06 pm IST
ജൂണ്‍ 29നാണ് പുതിയ എംപ്ലോയീസ് പെന്ഷന് സ്‌കീം (EPS) 2026 കേന്ദ്രസര്‍ക്കാര്‍ വിജ്ഞാപനം ചെയ്തത്. സാമൂഹിക സുരക്ഷാ കോഡ് 2020ന്റെ കീഴില്‍, നിലവിലുണ്ടായിരുന്ന EPS-1995, 1971ലെ ഫാമിലി പെന്ഷന് സ്‌കീം എന്നിവയ്ക്ക് പകരമായാണ് ഈ പുതിയ പദ്ധതി നടപ്പിലാക്കിയിരിക്കുന്നത്.
ഏകദേശം ആറു കോടിയോളം വരുന്ന ഇപിഎഫ്ഒ വരിക്കാര്‍ക്ക് തങ്ങളുടെ വിരമിക്കല്‍ ആസൂത്രണത്തില്‍ എന്തെങ്കിലും മാറ്റങ്ങള്‍ വരുത്തേണ്ടതുണ്ടോ എന്നും പെന്ഷന് കണക്കാക്കുന്ന രീതി മാറിയിട്ടുണ്ടോ എന്നും സംശയം തോന്നുക സ്വാഭാവികമാണ്. എന്നാല്‍ ചുരുക്കത്തില്‍ പെന്ഷന് കണക്കാക്കുന്ന അടിസ്ഥാന ഫോര്‍മുലയും 10 വര്‍ഷത്തെ യോഗ്യതാ മാനദണ്ഡവും പഴയതുപോലെ തന്നെ തുടരുന്നു.
അതുകൊണ്ട് തന്നെ, ജീവിതകാലം മുഴുവന്‍ ലഭിക്കുന്ന പ്രതിമാസ പെന്ഷന് അര്‍ഹത നേടാന്‍ ഒരു ജീവനക്കാരന്‍ കുറഞ്ഞത് 10 വര്‍ഷത്തെ സേവന കാലാവധി പൂര്‍ത്തിയാക്കേണ്ടതാണ്. പെന്ഷന് ലഭിക്കാന്‍ 58 വയസ് തികയുകയും വേണം.
പെന്ഷന് കണക്കാക്കുന്ന രീതി
ഇപിഎഫ്ഒയുടെ പണ്ടുമുതലേയുള്ള ഫോര്‍മുല ഉപയോഗിച്ചാണ് പെന്ഷന് കണക്കാക്കുന്നത്.
പ്രതിമാസ പെന്ഷന് = പെന്ഷന് യോഗ്യതയുള്ള ശമ്പളം (Pensionable Salary ) × സേവന കാലാവധി ( Pensionable Service) ÷ 70
ഇവിടെ 'പെന്ഷന് യോഗ്യതയുള്ള ശമ്പളം' എന്നത് അവസാനത്തെ 60 മാസത്തെ അടിസ്ഥാന ശമ്പളത്തിന്റെയും ക്ഷാമബത്തയുടെയും ശരാശരിയാണ്. ഭൂരിഭാഗം വരിക്കാര്‍ക്കും ഇത് പരമാവധി 15,000 എന്ന ശമ്പള പരിധിയില്‍ നിജപ്പെടുത്തിയിരിക്കുന്നു.
വിവിധ സേവന വര്‍ഷങ്ങള്‍ക്കനുസരിച്ചുള്ള ഏകദേശ പെന്ഷന് വിവരം (15,000 ശമ്പള പരിധി കണക്കാക്കി)
സേവന വര്‍ഷങ്ങള്‍ | പ്രതിമാസ പെന്ഷന്
പത്തു വര്‍ഷം- 2,143 രൂപ പ്രതിമാസ പെന്ഷന്
15 വര്‍ഷം- 3,214 രൂപ പ്രതിമാസ പെന്ഷന്
20 വര്‍ഷം- 4,286 രൂപ പ്രതിമാസ പെന്ഷന്
25 വര്‍ഷം- 5,357 രൂപ പ്രതിമാസ പെന്ഷന്
30 വര്‍ഷം- 6,429 രൂപ പ്രതിമാസ പെന്ഷന്
35 (പരമാവധി)- 7,500 രൂപ പ്രതിമാസ പെന്ഷന്
അതുകൊണ്ട്, 10 വര്‍ഷത്തെ സേവനം പൂര്‍ത്തിയാക്കുമ്പോള്‍ പ്രതിമാസം ഏകദേശം 2,143 രൂപ പെന്‍ഷനായി ലഭിക്കും. ഇതൊരു ചെറിയ തുകയാണെങ്കില്‍ കൂടിയും, ജീവിതകാലം മുഴുവന്‍ ഉറപ്പായ ഒരു വരുമാനം ഇത് ഉറപ്പുനല്‍കുന്നു.
WHAT TO READ NEXT
എഥനോള്‍ 'കത്തുന്നു'; ഇ25 പുറത്തിറക്കുമോ?, വിശദീകരണവുമായി കേന്ദ്രം
News Now
ബംഗാളിലെ 'താരസുന്ദരി'; നടി രുക്മിണി മല്ലിക് ബിജെപിയില്‍
'എത്ര ചിരിച്ചാലും വയസ് കുറയില്ല, ആന്റി സ്‌റ്റേജും കഴിയാറായി'; പരിഹാസ കമന്റിന് മറുപടി നല്‍കി നവ്യ നായര്‍
മുഖ്യ തെരഞ്ഞെടുപ്പ് കമ്മീഷണറെ അടിയന്തരമായി സസ്പെൻഡ് ചെയ്യണമെന്ന ആവശ്യം തള്ളി സുപ്രീം കോടതി: കേന്ദ്രത്തിനും സിഇസിക്കും നോട്ടീസ്
കരുത്തുറ്റ 9000 എംഎഎച്ച് ബാറ്ററി, 200എംപി മെയിന്‍ കാമറ; വണ്‍പ്ലസ് 16 ലോഞ്ച് ഒക്ടോബര്‍ 12ന്
Summary
How much monthly pension can you get after 10 years of service?, EPS pension 2026 in detail
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
