ആൻഡമാൻ നിക്കോബാർ പൊലീസ് നിയമനം; പത്താം ക്ലാസ് മുതൽ യോഗ്യത, 495 ഒഴിവുകൾ, അവസാന തീയതി മേയ് 17

ആൻഡമാൻ നിക്കോബാർ പൊലീസ് ഗ്രൂപ്പ്-ബി (നോൺ-ഗസറ്റഡ്), ഗ്രൂപ്പ്-സി തസ്തികകളിലേക്ക് നിയമനം നടത്താനൊരുങ്ങുന്നു. ആകെ 495 ഒഴിവുകളാണ് പ്രഖ്യാപിച്ചിരിക്കുന്നത്. 10-ാം ക്ലാസ്, പ്ലസ് ടു മുതൽ ബിരുദം വരെ യോഗ്യതയുള്ള ഉദ്യോഗാർത്ഥികൾക്ക് അപേക്ഷിക്കാം. അപേക്ഷ സമർപ്പിക്കാനുള്ള അവസാന തീയതി മേയ് 17.

തസ്തികകൾ: സബ് ഇൻസ്പെക്ടർ (എക്സിക്യൂട്ടീവ്/PMT/FS/മാസ്റ്റർ/GD), കോൺസ്റ്റബിൾ (എക്സിക്യൂട്ടീവ്/ബാൻഡ്സ്മാൻ/GD/വയർലെസ്/ഡ്രൈവർ തുടങ്ങിയവ), റേഡിയോ ഓപ്പറേറ്റർ (ASI), റേഡിയോ ടെക്നീഷ്യൻ (ASI), ഫയർമാൻ, ഫോളോവർ.

പ്രായപരിധി: തസ്തിക അനുസരിച്ച് വ്യത്യാസപ്പെടും. ഭൂരിഭാഗം എസ്.ഐ തസ്തികകൾക്ക് 18 മുതൽ 30 വയസ് വരെ. കോൺസ്റ്റബിൾ/ഫോളോവർ തസ്തികകൾക്ക് 18 മുതൽ 33 (17/05/2026 അടിസ്ഥാനമാക്കി) വയസ് വരെ.

യോഗ്യത

വിദ്യാഭ്യാസ യോഗ്യത അനുസരിച്ച് വ്യത്യസ്തമായ തസ്തികകളിൽ അപേക്ഷ നൽകാം.

ബിരുദതല തസ്തികകൾ

• ഉദാ: സബ് ഇൻസ്പെക്ടർ (എക്സിക്യൂട്ടീവ്), റേഡിയോ ഓപ്പറേറ്റർ (ASI) തുടങ്ങിയവ

• ബന്ധപ്പെട്ട വിഷയത്തിൽ ബിരുദം ഉണ്ടായിരിക്കണം.

• കൂടാതെ ഭൂരിഭാഗം തസ്തികകൾക്കും സാധുവായ LMV ഡ്രൈവിംഗ് ലൈസൻസ് ആവശ്യമാണ്.

ഹയർ സെക്കൻഡറി തല തസ്തികകൾ

• ഉദാ: കോൺസ്റ്റബിൾ (എക്സിക്യൂട്ടീവ്), സബ് ഇൻസ്പെക്ടർ (മാസ്റ്റർ) തുടങ്ങിയവ.

• പ്ലസ് ടു പാസായിരിക്കണം.

• കൂടാതെ ബന്ധപ്പെട്ട സാങ്കേതിക/നൈപുണ്യ യോഗ്യതകളും ആവശ്യമാണ്.

മെട്രിക് തല തസ്തികകൾ

• ഉദാ: ഫിറ്റർ ഇലക്ട്രീഷ്യൻ, ഡീസൽ മെക്കാനിക്, ഫോളോവർ തസ്തികകൾ

• പത്താം ക്ലാസ് പാസായിരിക്കണം.

• കൂടാതെ ബന്ധപ്പെട്ട ട്രേഡിൽ ITI/NTC/NAC യോഗ്യത, പ്രവൃത്തി പരിചയം, ഡ്രൈവിംഗ് ലൈസൻസ് എന്നിവ വേണം.

നിയമനം ലഭിക്കുന്നവർക്ക് 19,900 മുതൽ 1,12,400 രൂപ വരെ ശമ്പളം ലഭിക്കും. കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://andamannicobar.gov.in/admin-pannel/whatsnew.pdf