ബഹിരാകാശ ഗവേഷണ സ്ഥാപനത്തിൽ ജോലി; റിസർച്ച് സയന്റിസ്റ്റ്, ജെ.ആർ.എഫ് ഒഴിവുകൾ, അഭിമുഖത്തിലൂടെ നിയമനം

ഐ.എസ്.ആർ. ഒയുടെ കീഴിലുള്ള നോർത്ത് ഈസ്റ്റേൺ സ്പേസ് ആപ്ലിക്കേഷൻസ് സെന്റർ (NESAC) വിവിധ പ്രോജക്ട് തസ്തികകളിൽ നിയമനം നടത്തുന്നു. പ്രകൃതി വിഭവ മാനേജ്മെന്റ്, ജിഐഎസ് (GIS), റിമോട്ട് സെൻസിംഗ്, ഉപഗ്രഹ വാർത്താവിനിമയം, ദുരന്തനിവാരണം തുടങ്ങിയ മേഖലകളിൽ ബഹിരാകാശ സാങ്കേതികവിദ്യ പ്രയോജനപ്പെടുത്തി പ്രവർത്തിക്കുന്ന സ്ഥാപനമാണ് എൻ.ഇ.എസ്.എ.സി. അഭിമുഖത്തിലൂടെയാണ് നിയമനം നടത്തുന്നത്. അഭിമുഖം 2026 ഓഗസ്റ്റ് 10, 11, 12 തീയതികളിൽ മേഘാലയയിലെ ഉമിയാമിലുള്ള (Umiam, Ri Bhoi District) ക്യാംപസിൽ നടക്കും.

ഒഴിവുകൾ

• റിസർച്ച് സയന്റിസ്റ്റ് - 5 ഒഴിവുകൾ

• ജൂനിയർ റിസർച്ച് ഫെലോ : 10 ഒഴിവുകൾ

• പ്രൊജക്റ്റ് അസോസിയേറ്റ് : 1 ഒഴിവ്

വിദ്യാഭ്യാസ യോഗ്യതകൾ

വിദ്യാഭ്യാസം: ജിയോളജി, കമ്പ്യൂട്ടർ സയൻസ്, ഐടി, എൻവയോൺമെന്റൽ സയൻസ്, ഫിസിക്സ്, മാത്തമാറ്റിക്സ് തുടങ്ങിയ തത്തുല്യ വിഷയങ്ങളിൽ ഫസ്റ്റ് ക്ലാസ്സ് M.Sc/ M.Tech/ B.Tech ബിരുദം.

മാർക്ക് പരിധി: ബി.ഇ/ ബി.ടെക്/ എം.എസ്സിക്ക് കുറഞ്ഞത് 65% മാർക്കും, എം.ഇ/ എം.ടെക്കിന് കുറഞ്ഞത് 60% മാർക്കും വേണം.

കൂടുതൽ യോഗ്യത: JRF തസ്തികകളിലേക്ക് അപേക്ഷിക്കുന്നവർ NET/ GATE അല്ലെങ്കിൽ തത്തുല്യ പരീക്ഷകൾ വിജയിച്ചിരിക്കണം.

പ്രായപരിധി

• റിസർച്ച് സയന്റിസ്റ്റ് (M.Sc): പരമാവധി 28 വയസ്സ്.

• റിസർച്ച് സയന്റിസ്റ്റ് (M.Tech): പരമാവധി 30 വയസ്സ്.

• ജൂനിയർ റിസർച്ച് ഫെലോ (JRF): പരമാവധി 28 വയസ്സ്.

• പ്രൊജക്റ്റ് അസോസിയേറ്റ് - I: പരമാവധി 35 വയസ്സ്.

• ഇളവുകൾ: SC/ST ഉദ്യോഗാർത്ഥികൾക്ക് 5 വർഷവും, OBC ഉദ്യോഗാർത്ഥികൾക്ക് 3 വർഷവും ഉയർന്ന പ്രായപരിധിയിൽ ഇളവുണ്ട്.

തസ്തികകളും ശമ്പളവും

• റിസർച്ച് സയന്റിസ്റ്റ്: 56,100 രൂപ (മറ്റ് ആനുകൂല്യങ്ങൾ ലഭിക്കും).

• ജൂനിയർ റിസർച്ച് ഫെലോ (JRF): 37,000 രൂപ (മറ്റ് ആനുകൂല്യങ്ങൾ ലഭിക്കും).

• പ്രൊജക്റ്റ് അസോസിയേറ്റ് - I: 31,000 രൂപ (മെഡിക്കൽ ആനുകൂല്യങ്ങൾ ലഭിക്കും).

താല്പര്യമുള്ള ഉദ്യോഗാർഥികൾ ഒറിജിനൽ സർട്ടിഫിക്കറ്റുകളും അവയുടെ സ്വയം സാക്ഷ്യപ്പെടുത്തിയ പകർപ്പുകളും സഹിതം മേഘാലയയിലെ ഇന്റർവ്യൂ കേന്ദ്രത്തിൽ നേരിട്ടെത്തണം. ബയോഡാറ്റ ഫോർമാറ്റ് ഔദ്യോഗിക വെബ്‌സൈറ്റിൽ ലഭ്യമാണ്.

കൂടുതൽ വിവരങ്ങൾക്ക് ഔദ്യോഗിക വെബ്‌സൈറ്റ് സന്ദർശിക്കുക.

https://www.isro.gov.in/media_isro/pdf/recruitmentNotice/2026/July/Advertisement_Final_17072026.pdf