റവന്യൂ വകുപ്പിന് കീഴിൽ യങ് പ്രൊഫഷണൽ നിയമനം; 30,000 രൂപ ശമ്പളം

റവന്യൂ വകുപ്പിന്റെ പരിശീലന സ്ഥാപനമായ ഇൻസ്റ്റിറ്റ്യൂട്ട് ഓഫ് ലാൻഡ് ആൻഡ് ഡിസാസ്റ്റർ മാനേജ്മെന്റിലെ (ഐ.എൽ.ഡി.എം.) ഡി.എം. സെന്ററിൽ ദുരന്തനിവാരണ പരിശീലന – ഗവേഷണ പ്രവർത്തനങ്ങൾക്കും ഐ.ഇ.സി. (Information, Education and Communication) പ്രവർത്തനങ്ങൾ ഏകോപിപ്പിക്കുന്നതിനുമായി ഒരു വർഷക്കാലത്തേക്ക് യങ് പ്രൊഫഷണലിന്റെ ഒഴിവിലേക്ക് അപേക്ഷകൾ ക്ഷണിക്കുന്നു.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക്  ചെയ്യുക

യോഗ്യത:  എം.ബി.എ., എം.എസ്.സി, എം.എ., എം.എസ്.ഡബ്ല്യു. വിഭാഗങ്ങളിൽ ദുരന്തനിവാരണ വിഷയത്തിൽ ബിരുദാനന്തര ബിരുദം നേടിയവർക്ക് അപേക്ഷിക്കാം. ഉദ്യോഗാർഥികൾ ബയോഡാറ്റ സഹിതം ഓൺലൈനായി അപേക്ഷ സമർപ്പിക്കണം.

ശമ്പളം: നിയമനം ലഭിക്കുന്നവർക്ക് പ്രതിമാസം 30,000 രൂപ ശമ്പളം ലഭിക്കും.

നിയമന കാലാവധി: യങ് പ്രൊഫഷണൽ തസ്തികയിൽ ഒരു വർഷത്തേക്ക് ആണ് നിയമനം നടത്തുന്നത്.

പ്രായപരിധി: അപേക്ഷകന്റെ പരമാവധി പ്രായം 30 വയസ്സ് ആണ്.

തെരഞ്ഞെടുപ്പ് പ്രക്രിയ

പരീക്ഷ, ഗ്രൂപ്പ് ഡിസ്കഷൻ, ഇന്റർവ്യൂ എന്നിവയുടെ അടിസ്ഥാനത്തിലായിരിക്കും ഉദ്യോഗാർഥികളെ തെരഞ്ഞെടുക്കുക. തെരഞ്ഞെടുപ്പ് പ്രക്രിയ ഓഗസ്റ്റ് 4-ന് രാവിലെ 10 മണിക്ക് തിരുവനന്തപുരം ഐ.എൽ.ഡി.എം. (ILDM) ക്യാമ്പസിൽ നടക്കും.

കൂടുതൽ വിവരങ്ങൾക്ക്

ഫോൺ: 0471-2365559, 8547610005

ഇ-മെയിൽ: ildm.revenue@gmail.com

ഓൺലൈൻ അപേക്ഷ സമർപ്പിക്കുന്നതിനു ഈ ലിങ്കില്‍ ക്ലിക്ക് ചെയ്യുക