ആയുർവേദ നഴ്‌സിങ്,ബി.ഫാം. കോഴ്‌സുകളിലേക്ക് സ്‌പോട്ട് അലോട്ട്‌മെന്റ്

കണ്ണൂർ പറശ്ശിനിക്കടവ് എം.വി.ആർ ആയുർവേദ മെഡിക്കൽ കോളേജിൽ കേരള ആരോഗ്യ സർവകലാശാല അംഗീകരിച്ച 2025–2026 അധ്യയന വർഷത്തെ ബി.എസ്.സി. നഴ്‌സിങ് (ആയുർവേദം), ബി.ഫാം (ആയുർവേദം) കോഴ്‌സുകളിലെ ഒഴിവുള്ള സീറ്റുകൾ നികത്തുന്നതിനായി സ്‌പോട്ട് അലോട്ട്‌മെന്റ് നടത്തുന്നു.

ഡിസംബർ 29 രാവിലെ 10 മണിക്ക് എൽ.ബി.എസ് ജില്ലാ ഫെസിലിറ്റേഷൻ സെന്ററുകളിലാണ് സ്‌പോട്ട് അലോട്ട്‌മെന്റ് നടക്കുന്നത്. www.lbscentre.kerala.gov.in വെബ്‌സൈറ്റിൽ പ്രസിദ്ധീകരിച്ചിട്ടുള്ള റാങ്ക് ലിസ്റ്റിൽ ഉൾപ്പെട്ട അപേക്ഷകർ ഏതെങ്കിലും എൽ.ബി.എസ് ജില്ലാ ഫെസിലിറ്റേഷൻ സെന്ററിൽ നേരിട്ട് ഹാജരായി രാവിലെ 11 മണിക്ക് മുൻപ് രജിസ്റ്റർ ചെയ്ത് അലോട്ട്‌മെന്റിൽ പങ്കെടുക്കണം.

അലോട്ട്‌മെന്റ് ലഭിക്കുന്നവർ 2026 ജനുവരി 1-നകം ബന്ധപ്പെട്ട കോളേജിൽ പ്രവേശനം നേടണം. കൂടുതൽ വിവരങ്ങൾക്ക് 0471 2560361, 2560362, 2560363, 2560364 എന്നീ ഫോൺ നമ്പറുകളിൽ ബന്ധപ്പെടാവുന്നതാണ്.