ടെക്നോപാർക്കിൽ ചീഫ് സെക്യൂരിറ്റി ഓഫീസർ, അസിസ്റ്റന്റ് മാനേജർ ഒഴിവുകൾ

ഡിസംബർ 31 നകം അപേക്ഷിക്കണം. ഓൺലൈനായി വേണം അപേക്ഷ സമർപ്പിക്കേണ്ടത്.

Technopark jobs :Chief Security Officer and Assistant Manager Vacancies at Thiruvananthapuram Technopark TNIE

Edited by :SALIL C S

Last Updated :17 ഡിസംബർ 2025, 3:37 pm IST

കേരള സർക്കാരിന്റെ പൂർണ ഉടമസ്ഥതയിലുള്ള ടെക്നോപാർക്കിൽ തിരുവനന്തപുരത്ത് നിലിവുള്ള ഒഴിവുകളിലേക്ക് അപേക്ഷ ക്ഷണിച്ചു.

ചീഫ് സെക്യൂരിറ്റി ഓഫീസർ, അസിസ്റ്റന്റ് മാനേജർ (ഇലക്ട്രിക്കൽ) തസ്തികകളിലാണ് ഒഴിവുള്ളത്. 29200- 62400 രൂപവരെയും 55350- 101400 രൂപവരെയുമുള്ള ശമ്പള സ്കെയിലിലായിരിക്കും നിയമനം.

ഡിസംബർ 31 നകം അപേക്ഷിക്കണം. ഓൺലൈനായി വേണം അപേക്ഷ സമർപ്പിക്കേണ്ടത്.

അസിസ്റ്റന്റ് മാനേജർ (ഇലക്ട്രിക്കൽ)

ഒഴിവ് - ഒന്ന്

പ്രായം: 01.12.2025 ന് 35 വയസ്സിന് താഴെ.

കാലാവധി: അഞ്ച് വർഷം - (ഒരു വർഷത്തെ പ്രൊബേഷൻ). പിന്നീട് കാലാവധി നീട്ടിയേക്കാവുന്നതുമാണ്.

പ്രതിഫലം: 29200- 62400 രൂപ.

സർക്കാർ നിരക്കിൽ ഡിഎ, എച്ച്ആർഎ, സിസിഎ എന്നിവയും ലഭിക്കും. ടെക്നോപാർക്കിന്റെ മാനദണ്ഡങ്ങൾക്കനുസൃതമായി മറ്റ് ആനുകൂല്യങ്ങളും ലഭിക്കും.

ചീഫ് സെക്യൂരിറ്റി ഓഫീസർ (CSO)

ടെക്നോപാർക്കിന്റെ കാമ്പസുകളിലുടനീളമുള്ള സുരക്ഷാ പ്രവർത്തനങ്ങൾ നയിക്കാനും കൈകാര്യം ചെയ്യാനും യോഗ്യതയുള്ളതും പരിചയസമ്പന്നനുമായ ചീഫ് സെക്യൂരിറ്റി ഓഫീസറെ നിയമിക്കുന്നു. താൽപ്പര്യമുള്ളവർ ഓൺലൈനായി അപേക്ഷിക്കണം.

ഒഴിവുകളുടെ എണ്ണം : ഒന്ന്

ശമ്പള സ്കെയിൽ - 55350- 101400 രൂപ.

തിരഞ്ഞെടുക്കപ്പെടുന്നവർക്ക് സംസ്ഥാന സർക്കാർ നിരക്കുകളിൽ ഡിഎ, എച്ച്ആർഎ, സിസിഎ എന്നിവയും ലഭിക്കും. ടെക്നോപാർക്കിന്റെ മാനദണ്ഡങ്ങൾക്കനുസൃതമായി മറ്റ് ആനുകൂല്യങ്ങൾ.