ബേക്കിങ് സോഡ ഉണ്ടോ? പഴയ ഇസ്തിരിപ്പെട്ടി മിനിറ്റുകൾക്കുള്ളിൽ പുതിയതാക്കാം

പല വീടുകളിലും കുറച്ചു കാലം ഉപയോ​ഗിച്ച ശേഷം ഇസ്തിരിപ്പെട്ടിയുടെ അടിഭാ​ഗം കരിഞ്ഞ നിലയിലാകും. ഇത് വീണ്ടും വീണ്ടും ഉപയോ​ഗിക്കുന്നത് വസ്ത്രങ്ങൾ കേടുവരാനും പറ്റിപ്പിടിക്കാനും കാരണമാകാം. അതുകൊണ്ട് തന്നെ പലരും പഴയത് ഒഴിവാക്കി പുതിയതു വാങ്ങുകയാണ് പതിവ്. എന്നാൽ വളരെ സിംപിൾ ആയി ഈ കറ മാറ്റിയെടുക്കാമെന്ന് പറഞ്ഞാൽ വിശ്വസിക്കുമോ?

ആരോ​ഗ്യ വാർത്തകൾ കൂടുതൽ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക്  ചെയ്യുക

ഇസ്തിരിപ്പെട്ടിയുടെ അടിഭാ​ഗം ക്ലീൻ ആക്കാൻ

• അരമുറി നാരങ്ങയിൽ കുറച്ച് പേസ്റ്റ് വച്ച ശേഷം അത് ഉപയോഗിച്ച് ഇസ്തിരിപ്പെട്ടിയുടെ അടിഭാഗം തുടയ്‌ക്കുക. രണ്ട് മിനിട്ട് ഉരച്ച ശേഷം ഒരു ബ്രഷ് ഉപയോഗിച്ച് ഒന്നുകൂടി നല്ലപോലെ ഉരയ്‌ക്കണം. ശേഷം സാധാരണ വെള്ളം ഉപയോഗിച്ച് അടിഭാഗം തുടച്ചെടുക്കാം.

• ഒരു ടിഷ്യു പേപ്പറിൽ ബേക്കിങ് സോഡയും വിനാഗിരിയും ഒഴിച്ചശേഷം അതിലേക്ക് ഇസ്തിരിപ്പെട്ടിയുടെ അടിഭാഗം വയ്‌ക്കുക. 10 മിനിട്ട് കഴിഞ്ഞ് അത് സാധാരണവെള്ളം ഉപയോഗിച്ച് തുടച്ചെടുത്താൽ കരിഞ്ഞഭാഗം പൂർണമായും മാറി പുതിയത് പോലെ തിളങ്ങുന്നത് കാണാം.

• ഇസ്തിരിപ്പെട്ടി നന്നായി ചൂടാക്കണം. ശേഷം മിനുസമുള്ള ഒരു മരപ്പലകയെടുത്ത് ഇതിലേക്ക് ഉപ്പ് വിതറാം. ശേഷം ഇസ്തിരിപ്പെട്ടികൊണ്ട് തേച്ചുകൊടുക്കാം. ഉപ്പിലൂടെ കുറച്ച് സമയം തേക്കുമ്പോൾ തന്നെ കറകൾ ഇളകിവരും.

• കറയുള്ള ഭാഗത്ത് ബേക്കിങ് സോഡ വിതറിക്കൊടുക്കാം. ശേഷം അരക്കഷ്ണം ചെറുനാരങ്ങ നീര് ചേർക്കാം. അഞ്ച് മിനിട്ടിന് ശേഷം കുറച്ച് വിനാഗിരി ഒഴിച്ചുകൊടുക്കാം. ഇനി ഒരു സ്‌ക്രബർ ഉപയോഗിച്ച് നന്നായി തുടച്ചുകൊടുക്കുക.