കെ ‍ഡ്രാമയും കെ പോപ്പും കെ ബ്യൂട്ടിയും മാത്രമല്ല, കൊറിയൻ ഭക്ഷണരീതികളും ഇവിടെ ഹിറ്റാണ്. പ്രോട്ടീൻ സമ്പന്നമായതും എന്നാൽ കുറഞ്ഞ കലോറി അടങ്ങിയതുമാണ് കൊറിയയിലെ മിക്ക ഭക്ഷണങ്ങളും. ആരോ​ഗ്യത്തിന് ഏറെ ​ഗുണകരമായ ഒരു കൊറിയൻ എ​ഗ്ഗ് സാലഡ് റെസിപ്പിയാണ് ഇപ്പോൾ സോഷ്യൽമീഡിയയിൽ വൈറലാകുന്നത്.

സാധാരണ സാലഡിൽ ഉപയോ​ഗിക്കുന്ന മയോണൈസിന് പകരം ​ഗ്രീക്ക് യോ​ഗർട്ട് ആണ് ഇവിടെ ഉപയോ​ഗിക്കുന്നത്. ഇത് ദഹനത്തിനും ദീർഘനേരം വയറുനിറഞ്ഞ തോന്നൽ ഉണ്ടാക്കുകയും ചെയ്യും.

ചേരുവകൾ

• പുഴുങ്ങിയ മുട്ട: 4 എണ്ണം

• ഗ്രീക്ക് യോഗർട്ട്: 3 ടേബിൾ സ്പൂൺ

• മസ്റ്റാർഡ് പേസ്റ്റ്: 1 ടേബിൾ സ്പൂൺ

• ഉപ്പ്: ആവശ്യത്തിന്

• കുരുമുളക് പൊടി: ആവശ്യത്തിന്

• ഉള്ളിത്തണ്ട്: ചെറുതായി അരിഞ്ഞത്

തയ്യാറാക്കുന്ന വിധം

കുഴിവുള്ള ഒരു പാത്രം എടുത്ത്, അതിലേക്ക് പുഴുങ്ങിയ മുട്ട ഒരു ഫോർക്ക് ഉപയോ​ഗിച്ച് നല്ലതു പോലെ ഉടച്ചെടുക്കുക. ഇതിലേക്ക് ​ഗ്രീക്ക് യോ​ഗർട്ടും മസ്റ്റാർഡ് പേസ്റ്റും ചേർക്കാം. ഇവ നല്ലതു പോലെ യോജിപ്പിച്ച് ക്രീം പരുവത്തിലാക്കിയെടുക്കുക. ഇതിലേക്ക് ആവശ്യത്തിന് ഉപ്പും കുരുമുളകു പൊടിയും ചേർക്കാം. ശേഷം അരിഞ്ഞു വെച്ചിരിക്കുന്ന ഉള്ളിത്തണ്ട് കൂടി ചേർത്തിളക്കിയാൽ എ​ഗ്​ഗ് സാലഡ് റെഡി.

ഈ സാലഡ് അങ്ങനെ തന്നെ കഴിക്കാവുന്നതാണ്. അല്ലെങ്കിൽ ബ്രൗൺ ബ്രെഡ് ടോസ്റ്റ് ചെയ്തതിന് മുകളിൽ വെച്ച് സാൻഡ്‌വിച്ച് ആയോ, ഫ്രഷ് പച്ചക്കറികൾക്കൊപ്പമോ കഴിക്കാം. ഉണ്ടാക്കിയ ഉടനെ കഴിക്കുന്നതാണ് ഏറ്റവും നല്ലത്. ശരീരഭാരം കുറയ്ക്കാൻ ആഗ്രഹിക്കുന്നവർക്കും ജിമ്മിൽ പോകുന്നവർക്കും പ്രഭാതഭക്ഷണമായോ ലഘുഭക്ഷണമായോ ഇത് കഴിക്കാം.