സംഗീതാചാര്യന്‍ ചെമ്പൈ വൈദ്യനാഥ ഭാഗവതരുടെ ജീവിതം സിനിമയാകുന്നു. മോഹന്‍ലാല്‍ ചെമ്പൈയുടെ വേഷത്തില്‍ എത്തുമെന്നാണ് പുറത്തുവരുന്ന സൂചനകള്‍. സംവിധായകനും സംഗീത സംവിധായകനുമായ വിജിത്താണ് ചെമ്പൈയുടെ ജീവിതം സിനിമയാക്കാന്‍ ഒരുങ്ങുന്നത്. 

ചിത്രത്തിന്റെ പ്രീ പ്രൊഡക്ഷന്‍ ജോലികള്‍ പുരോഗമിക്കുകയാണ്. ഇന്ത്യയിലെ മികച്ച ടെക്‌നീഷ്യന്‍മാര്‍ ചിത്രത്തിന്റെ അണിയറയിലുണ്ടാകുമെന്നാണ് വിവരം. എന്നാല്‍ കൂടുതല്‍ വിവരങ്ങള്‍ ലഭ്യമായിട്ടില്ല. പ്രശസ്ത പഴയകാല സംഗീത പ്രതിഭ ബി.എ ചിദംബരനാഥിന്റെ ശിഷ്യന്‍ കൂടിയാണ് വിജിത്. 'മുന്തിരി മൊഞ്ചന്‍' എന്ന ചിത്രത്തിലൂടെ സംവിധായക വേഷം അണിഞ്ഞ വിജിത്തിന്റെ രണ്ടാമത്തെ ചിത്രമായിരിക്കും ഇത്.