ഭക്ഷണത്തോടുള്ള പ്രിയം എപ്പോഴും തുറന്നുപ്രകടിപ്പിക്കുന്ന ആളാണ് നടി അനുഷ്‌ക ശര്‍മ്മ. മധുരപലഹാരമാണെങ്കിലും തനിനാടന്‍ ഭക്ഷണമാണെങ്കിലും വളരെ സന്തോഷത്തോടെ അത് ആസ്വദിക്കുന്ന വ്യക്തിയാണ് അനുഷ്‌ക. ഇപ്പോഴിതാ അടുത്തിടെ കഴിച്ച മനോഹരമായ ഒരു സദ്യയുടെ ചിത്രമാണ് താരം പങ്കുവച്ചിരിക്കുന്നത്. വാഴയിലയില്‍ കറികളെല്ലാം വിളമ്പിയിരിക്കുന്ന ചിത്രം താരം സ്റ്റാറ്റസില്‍ പങ്കുവച്ചു. 

അവിയലും പച്ചടിയും തോരനും മെഴുക്കുപുരട്ടിയും അച്ചാറും ഒക്കെ നിറഞ്ഞ ഇലയാണ് ചിത്രത്തിലുള്ളത്. രുചികരമായ വെജിറ്റേറിയന്‍ ഭക്ഷണം എന്നാണ് താരം ചിത്രത്തോടൊപ്പം കുറിച്ചിരിക്കുന്നത്. സൗത്ത് സൈഡ് മുംബൈ എന്ന ഇന്‍സ്റ്റഗ്രാം അക്കൗണ്ടും ടാഗ് ചെയ്തിട്ടുണ്ട്. 

സൗത്ത് ഇന്ത്യന്‍ വിഭവങ്ങള്‍ ഉണ്ടാക്കുന്ന ഷെഫ്ഫിന്റെ ഇന്‍സ്റ്റഗ്രാം പേജാണ് സൗത്ത് സൈഡ് മുംബൈ. ' ഞാന്‍ ഒരുപാട് ഭക്ഷണം ഉണ്ടാക്കിയിട്ടുണ്ട്. പക്ഷെ ഇത് സ്‌പെഷ്യല്‍ ആണ്. ഈ സ്‌നേഹത്തിന് നന്ദി അനുഷ്‌ക ശര്‍മ്മ' എന്ന് സദ്യയുടെ വിഡിയോ പങ്കുവച്ച് സൗത്ത് സൈഡ് മുംബൈ കുറിച്ചു. 

ഈ വാർത്ത കൂടി വായിക്കാം  

"ആർ ആർ ആർ ഗേ ലവ് സ്റ്റോറി, ആലിയ ഒരു ഉപകരണം മാത്രം": റസൂൽ പൂക്കുട്ടി, എതിർത്ത് ആരാധകർ 
 
സമകാലിക മലയാളം ഇപ്പോൾ വാട്ടസ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ