കോടതിയിൽ നിന്ന് തനിക്ക് നീതി കിട്ടിയെന്ന് നടൻ ബാല. കഴിഞ്ഞ ഒന്നര വർഷമായി കസ്റ്റഡിയിലായിരുന്ന തന്റെ ഫോൺ തിരിച്ചു കിട്ടിയതിന്റെ സന്തോഷമാണ് സോഷ്യൽ മീഡിയയിലൂടെ ബാല പങ്കുവച്ചത്. എറണാകുളം ജില്ലാ കോടതിയിൽ നിന്നുള്ള വിഡിയോയും ബാല പങ്കുവച്ചിട്ടുണ്ട്.

"രണ്ട് വർഷം നീണ്ടുനിന്ന നീതിക്കു വേണ്ടിയുള്ള പോരാട്ടം. നിങ്ങൾ എന്നെ തകർക്കാൻ ശ്രമിച്ചോളൂ, എന്നാൽ ഓർക്കുക, നിങ്ങളുടെ നിങ്ങളുടെ നുണകൾക്കു മുന്നിൽ ഞാൻ തല കുനിക്കില്ല. അവസാനം ദൈവം നീതി പുലർത്തും".- എന്നും ബാല കുറിച്ചു.

നിയമത്തിന്റെ പേരിൽ കഴിഞ്ഞ പത്ത് വർഷമായി ചിലർ തന്നെ നിരന്തരം ഉപദ്രവിക്കുകയാണെന്നും, ഇപ്പോഴും കേസും കോടതിയുമായി വേട്ടയാടൽ തുടരുകയാണെന്നും താരം മുൻപ് വെളിപ്പെടുത്തിയിരുന്നു. മുൻ വിവാഹവുമായി ബന്ധപ്പെട്ട കേസിലാണ് താരത്തിന്റെ ഫോൺ പിടിച്ചുവച്ചിരുന്നതെന്നാണ് സൂചന.

ഫോൺ കാണിച്ചു കൊണ്ടാണ് ബാല കോടതിയിൽ നിന്നും ഇറങ്ങിവരുന്നത്. ഒപ്പം ബാലയുടെ അഭിഭാഷകരുമുണ്ട്. കുറച്ച് വൈകിയെങ്കിലും ന്യായം ജയിച്ചുവെന്നും ബാല വിഡിയോയിൽ പറയുന്നുണ്ട്.

കൂടുതല്‍ സിനിമ വാര്‍ത്തകള്‍ക്കായി വാട്സ്ആപ്പ് ഗ്രൂപ്പില്‍ അംഗമാകൂ

ഇവിടെ ക്ലിക്ക് ചെയ്യുക