സംവിധായകൻ പീറ്റർ ബ്രൂക്ക് അന്തരിച്ചു 

പാരിസ്: ലോകപ്രശസ്ത ബ്രിട്ടീഷ് നാടക–ചലച്ചിത്ര സംവിധായകൻ പീറ്റർ ബ്രൂക്ക് (97) അന്തരിച്ചു. 1974 മു​ത​ൽ പാ​രീ​സി​ൽ ജീ​വി​ച്ച ബ്രൂ​ക്ക് ശ​നി​യാ​ഴ്ച ന​ഗ​ര​ത്തി​ൽ ത​ന്നെ​യാ​ണ് അ​ന്ത​രി​ച്ച​ത്. 2021ൽ ഇന്ത്യ പത്മശ്രീ നൽകി ആദരിച്ചിട്ടുണ്ട്.  

1925ൽ ​ജൂ​ത കു​ടി​യേ​റ്റ കു​ടും​ബാം​ഗ​മാ​യി പി​റ​ന്ന ബ്രൂ​ക്ക്, ഓ​ക്സ്ഫ​ഡ് വാ​ഴ്സി​റ്റി​യി​ൽ ഉ​ന്ന​ത പ​ഠ​നം ന​ട​ത്തു​ന്ന​തി​നി​ടെ, ബ​ർ​മി​ങ്ഹാം റി​പ​ർ​ടോ​റി തി​യ​റ്റ​ർ സം​വി​ധാ​യ​ക​നാ​യാ​ണ് തുടക്കംകുറിക്കുന്നത്. ലോഡ് ഓഫ് ഫ്ലൈസ് (1963) എന്ന ചിത്രത്തിലൂടെയാണ് ശ്രദ്ധ നേടിയത്. പിന്നീട് ഷേയ്ക്സ്പിയർ, മഹാഭാരത നാടകാവിഷ്കാരങ്ങളിലൂടെ വിഖ്യാതനായി. പീറ്റർ വെയ്സിന്റെ മറാട്ട്/ സേഡ് (1966) ഷേയ്ക്സ്പിയറിന്റെ എ മിഡ്സമ്മർ നൈറ്റ്സ് ഡ്രീം (1970) എന്നീ നാടകങ്ങളിലൂടെ മികച്ച സംവിധായകനായി. 1970കളുടെ പകുതിയിൽ ജീൻ ക്ലോഡ് കാരിയറുമായി ചേർന്ന് മഹാഭാരതം നാടകമാക്കാൻ തുടങ്ങിയ ശ്രമം 1985ൽ അവസാനിച്ചു. വിജയകരമായി വേദിയിൽ അവതരിപ്പിച്ച നാടകം പിന്നീട് ടിവി പരമ്പരയുമായി. 

അന്ത‌രിച്ച നടി നടാഷ പാരിയാണ് ഭാര്യ. മക്കളായ ഐറിനയും സൈമണും സംവിധായകരാണ്.

ഈ വാർത്ത കൂടി വായിക്കാം  

യുവനടന്‍ കിഷോര്‍ ദാസ് അന്തരിച്ചു

സമകാലിക മലയാളം ഇപ്പോള്‍ വാട്ടസ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ