'എത്രയോ കൂടോത്രങ്ങളെ നിസ്സാരമായി വലിച്ച് താഴെയിട്ടിട്ടുണ്ട്, കാരണം അയാളുടെ പേർ മോഹൻലാൽ എന്നാണ്'

മോഹൻലാലും ലിജോ ജോസ് പെല്ലിശ്ശേരിയും ഒന്നിച്ച മലൈക്കോട്ടൈ വാലിബൻ കഴിഞ്ഞ ദിവസമാണ് തിയറ്ററിൽ എത്തിയത്. റിലീസ് ദിവസം ചിത്രത്തേക്കുറിച്ച് വലിയ രീതിയിൽ നെ​ഗറ്റീവ് റിവ്യൂ വന്നിരുന്നു. എന്നാൽ അതിനെ മറികടന്ന് മുന്നോട്ട് കുതിക്കുകയാണ് ചിത്രം. ഇപ്പോൾ ശ്രദ്ധനേടുന്നത് നടൻ ഹരീഷ് പേരടിയുടെ കുറിപ്പാണ്. ചതിയുടെ ശമ്പളം വാങ്ങുന്നവരുടെ അസത്യങ്ങളെ മറികടന്ന കുടുംബങ്ങൾ തിയ്യറ്ററിൽ എത്താൻ തുടങ്ങിയെന്നും ഇനി വാലിബന്റെ തേരോട്ടമാണെന്നും ഹരീഷ് പേരടി കുറിച്ചു.

മോഹന്‍ലാലും ലിജോ ജോസ് പെല്ലിശ്ശേരിയും ആദ്യമായി ഒന്നിച്ച ചിത്രമാണ് മലൈക്കോട്ടൈ വാലിബന്‍. വലിയ പ്രതീക്ഷയോടെയാണ് പ്രേക്ഷകര്‍ ചിത്രത്തിനായി കാത്തിരുന്നത്. എന്നാല്‍ ചിത്രം പ്രതീക്ഷയ്ക്കൊത്ത് ഉയര്‍ന്നില്ല എന്നാണ് ഒരു വിഭാഗം പറയുന്നത്. മോഹന്‍ലാലിനൊപ്പം ഹരീഷ് പേരടിയും ചിത്രത്തില്‍ ശക്തമായ വേഷത്തില്‍ എത്തുന്നുണ്ട്.