പിറന്നാൾ ദിനത്തിൽ തന്റെ പുതിയ ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവിട്ട് കുഞ്ചാക്കോ ബോബൻ. ഓഫിസർ ഓൺ ഡ്യൂട്ടി എന്നാണ് ചിത്രത്തിന്റെ പേര്. കുഞ്ചാക്കോ ബോബനൊപ്പം പ്രിയ മണിയും ചിത്രത്തിൽ പ്രധാന വേഷത്തിലെത്തുന്നുണ്ട്. പൊലീസ് ഉദ്യോ​ഗസ്ഥനായാണ് കുഞ്ചാക്കോ ബോബൻ ചിത്രത്തിലെത്തുന്നത്. ത്രില്ലർ ചിത്രമായിരിക്കും ഇതെന്നാണ് പോസ്റ്ററുകൾ നൽകുന്ന സൂചന.

ജ​ഗദീഷ്, വിശാഖ് നായർ, റംസാൻ എന്നിവരും ചിത്രത്തിൽ പ്രധാന വേഷത്തിലെത്തുന്നുണ്ട്. മാർട്ടിൻ പ്രക്കാട്ട് അവതരിപ്പിക്കുന്ന ചിത്രം സംവിധാനം ചെയ്യുന്നത് ജിത്തു അഷ്റഫ് ആണ്. ജേക്സ് ബിജോയ് ആണ് ചിത്രത്തിന് സം​ഗീതമൊരുക്കുന്നത്. ‌പിറന്നാൾ ദിനത്തിൽ പുറത്തു വന്നിരിക്കുന്ന ചിത്രത്തിന്റെ പോസ്റ്ററുകൾക്ക് വൻ സ്വീകാര്യതയാണ് ലഭിക്കുന്നതും.

മാന്യതയ്ക്കൊക്കെ ഒരു മര്യാദ വേണ്ടേ?; പ്രിയ സുഹൃത്തിന് പിറന്നാൾ ആശംസകൾ നേർന്ന് പിഷാരടി

ഇതിന് മുൻപ് സ്കൂൾ ബസ്, നായാട്ട് എന്നീ ചിത്രങ്ങളിലും കുഞ്ചാക്കോ ബോബൻ കാക്കിയണിഞ്ഞെത്തിയിരുന്നു. അമൽ നീരദ് സംവിധാനം ചെയ്ത ബോ​ഗയ്ൻവില്ല ആണ് കുഞ്ചാക്കോ ബോബന്റേതായി ഒടുവിൽ തിയറ്റുകളിലെത്തിയ ചിത്രം. ചാക്കോച്ചന്റെ ചിത്രത്തിലെ പ്രകടനവും ഏറെ പ്രശംസകളേറ്റു വാങ്ങിയിരുന്നു.