'മീന ചിലപ്പോൾ റീനയായി എത്തിയേനേ'; ഭാരതിരാജ സിനിമയിൽ അഭിനയിക്കുന്നതിനെക്കുറിച്ച് അച്ഛൻ പറഞ്ഞ വാക്കുകളോർത്ത് നടി

സംവിധായകനും നടനുമായ ഭാരതിരാജയെക്കുറിച്ച് നടി മീന പറഞ്ഞ വാക്കുകളാണിപ്പോൾ സോഷ്യൽ മീഡിയയിൽ വൈറലായി മാറുന്നത്. ഭാരതിരാജയെയും ഭാ​ഗ്യരാജിനെയും അനുസ്മരിക്കുന്ന ചടങ്ങിൽ സംസാരിക്കുകയായിരുന്നു മീന.

"ഞാൻ ബാലതാരമായി ഇരിക്കുന്ന സമയത്തേ എന്റെ അമ്മ പറയുമായിരുന്നു, നീ എപ്പോഴെങ്കിലും സിനിമയിൽ നായികയായി വരുകയാണെങ്കിൽ ഭാരതിരാജ സാറിന്റെ പടത്തിലൂടെ വേണം വരാനെന്ന്. അല്ലെങ്കിൽ ബാലചന്ദർ സാറിന്റെ ഇൻട്രോയിൽ വരണമെന്ന്.

എന്റെ മകൾ സിനിമയിൽ അങ്ങനെ വേണം നായികയായി വരാൻ എന്ന് അമ്മ എപ്പോഴും പറയുമായിരുന്നു. അപ്പോൾ എന്റെ അച്ഛൻ പറയും. അയ്യോ ഭാരതിരാജ സാറിന്റെ പടത്തിൽ അഭിനയിക്കണമെങ്കിൽ നിന്റെ പേര് മാറ്റേണ്ടി വരും. അദ്ദേഹം തന്റെ രാശിയായി കാണുന്നത് ആർ എന്ന അക്ഷരം ആണ്. അപ്പോൾ നിന്റെ മീന എന്നുള്ള പേര് മാറിയെന്നിരിക്കും, കുഴപ്പമില്ല എന്ന്.

കൂടുതല്‍ സിനിമ വാര്‍ത്തകള്‍ക്കായി വാട്സ്ആപ്പ് ഗ്രൂപ്പില്‍ അംഗമാകൂ

ഇവിടെ ക്ലിക്ക് ചെയ്യുക

മീന ചിലപ്പോൾ റീനയായി നിങ്ങളുടെ മുൻപിൽ എത്തിയേനേ. ചിലപ്പോൾ, എനിക്കറിയില്ല. ഇതുപോലെയൊരു സംഭാഷണം ഞാൻ കുട്ടിയായിരുന്ന സമയത്ത് തന്നെ വീട്ടിൽ നടന്നിരുന്നു. അപ്പോൾ ഞാൻ അമ്മയോട് പറഞ്ഞു, അമ്മാ അദ്ദേഹം എല്ലാവരെയും അടിക്കുമെന്നൊക്കെ കേട്ടിട്ടുണ്ടല്ലോ എന്ന്. നീ കറക്ടായി ചെയ്താൽ നിന്നെ ആരും അടിക്കില്ലെന്ന് അമ്മ പറഞ്ഞു. ബാലചന്ദർ സാറിന്റെ പ്രൊഡക്ഷനിൽ മുത്തു എന്നൊരു സിനിമ ഞാൻ ചെയ്തു".- മീന പറഞ്ഞു.