ചുമ്മാ തീ; 10 മിനിറ്റ് തിയറ്റർ പൂരപ്പറമ്പാക്കി, രജനീകാന്തിനൊപ്പം ട്രെൻഡിങ്ങായി മോഹൻലാൽ

മോഹൻലാലും രജനീകാന്തും ആദ്യമായി ഒന്നിക്കുന്ന ചിത്രം. അതിഥി വേഷത്തിലാണ് മോഹൻലാൽ എത്തുന്നതെങ്കിലും ആ ഒത്തുചേരലിനായി ഏറെ പ്രതീക്ഷയോടെയാണ് ജയിലറിനുവേണ്ടി ആരാധകർ കാത്തിരുന്നത്. ആരാധകരുടെ പ്രതീക്ഷകൾക്കും അപ്പുറമാണ് ചിത്രം എന്നാണ് തിയറ്ററിൽ നിന്ന് വരുന്ന റിപ്പോർട്ടുകൾ. ജയിലറിനും രജനീകാന്തിനുമൊപ്പം മോഹൻലാലും സോഷ്യൽ മീ‍ഡിയയിൽ ട്രെന്റിങ്ങാവുകയാണ്. 

10 മിനിറ്റോളം നേരമാണ് ചിത്രത്തിൽ മോ​ഹൻലാലിന്റെ സാന്നിധ്യമുള്ളത്. എന്നാൽ മിനിറ്റുകൾകൊണ്ട് താരം തിയറ്ററിനെ പൂരപ്പറമ്പാക്കി എന്നാണ് കമന്റുകൾ. ആ വരവും കൂടെ അനിരുദ്ധിന്റെ പൊടിപറക്കുന്ന ബിജി...ചുമ്മാ തീ....അമ്മാതിരി സ്ക്രീൻ പ്രസൻസ്.- എന്നാണ് ആരാധകർ കുറിക്കുന്നത്.  

നമ്മുടെ ഏട്ടൻ എങ്ങനെ വേണം അത് പോലെ ഇങ്ങോട്ട് തന്നിട്ട് ഉണ്ട്.. എന്റെ മോനെ ക്ലൈമാക്സ് . കഴിഞ്ഞ ഒരു മൂന്ന് ലാലേട്ടൻ പടം കണ്ടിട്ട് കിട്ടാത്ത സന്തോഷമാണ് ആ പത്ത്‌ മിനുട്ട് തന്നേ.- ആരാധകർ കുറിച്ചു. മോഹൻലാലിനെ കൃത്യമായി ഉപയോ​ഗിക്കാൻ സംവിധായകൻ നെൽസണിനായി എന്നാണ് പറയുന്നത്. മോഹൻലാൽ അവതരിപ്പിച്ച കഥാപാത്രത്തെവച്ച് മറ്റൊരു ചിത്രം ചെയ്യാമെന്നും അവർ കുറിക്കുന്നു.

ഈ വാര്‍ത്ത കൂടി വായിക്കൂ

'രജനി ഫീവര്‍': ജയിലര്‍ കാണാന്‍ ജപ്പാനില്‍ നിന്ന് ചെന്നൈയില്‍ എത്തി ജാപ്പനീസ് ദമ്പതികള്‍

 സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ