നടൻ പ്രഭാസിന്റെ പിറന്നാൾ ആഘോഷത്തിനുള്ള ഒരുക്കങ്ങൾ ആരാധകർ തുടങ്ങിക്കഴിഞ്ഞു. ഒക്ടോബർ 23നാണ് പ്രഭാസിന്റെ ജന്മദിനം. പ്രഭാസിന്റെ ജന്മ​ദിനത്തോടനുബന്ധിച്ച് ടോളിവുഡിൽ അത്യപൂർവമായ റീ റിലീസ് ഒരുങ്ങുകയാണ്. പ്രഭാസിന്‍റെ പിറന്നാൾ ദിവസം അദ്ദേഹത്തിന്റെ ആറ് സിനിമകളാണ് ഒരേ ദിവസം വീണ്ടും റിലീസ് ചെയ്യുന്നത്. ഇത് ​ഗംഭീരമായ ഒരു കാഴ്ചാ വിരുന്ന് തന്നെയായിരിക്കും സിനിമാ ആസ്വാദകർക്ക്.

പൊതുവേ താരങ്ങളുടെ ജന്മദിനത്തിൽ അവരുടെ ഐക്കണിക് സിനിമകളാണ് റീ റിലീസ് ചെയ്യുക. എന്നാൽ ഇത് ആരാധകരെയും സിനിമാ പ്രേക്ഷകരെയും ഒന്നടങ്കം ഞെട്ടിച്ചിരിക്കുകയാണ്. മിസ്റ്റർ പെർഫെക്റ്റ്, മിർച്ചി, ഛത്രപതി, ഈശ്വർ, റിബൽ, സലാർ എന്നീ ചിത്രങ്ങളാണ് താരത്തിന്റെ പിറന്നാൾ ദിനത്തിൽ റീ റിലീസിനെത്തുക.

'വാശിപിടിച്ചിരുന്ന സ്ത്രീയുടെ ചെവിയിൽ സലിംകുമാർ എന്തോ പറഞ്ഞു, അവർ മര്യാദക്കാരിയായി': രസികൻ കഥയുമായി ​ബംഗാൾ ഗവർണർ

കാനഡയിലും ജപ്പാനിലും റീ റിലീസ് ഒരുക്കിയിട്ടുണ്ടെന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്. രാജാസാബ് ആണ് അടുത്തതായി പ്രഭാസിന്‍റേതായി തിയറ്ററില്‍ എത്താനുള്ള ചിത്രം. കോമഡി റൊമാന്‍റിക് എന്‍റര്‍ടെയ്നറാണ് ചിത്രമെന്നാണ് വിവരം. കൽക്കിയാണ് പ്രഭാസിന്റേതായി ഒടുവിൽ തിയറ്ററുകളിലെത്തിയ ചിത്രം.