'ദീപിക കുഞ്ഞുമായി തിരക്കിലാണ്, എന്റെ ഡ്യൂട്ടി രാത്രിയില്‍': രണ്‍വീര്‍ സിങ്

ബോളിവുഡിലെ പുതിയ മാതാപിതാക്കളാണ് ദീപിക പദുകോണും രണ്‍വീര്‍ സിങ്ങും. കുഞ്ഞുമായി തിരക്കിലാണ് ദമ്പതികള്‍. അതിനിടെ പുതിയ ചിത്രം സിങ്കം എഗെയ്‌നിന്റെ ട്രെയിലര്‍ ലോഞ്ചിന് രണ്‍വീര്‍ എത്തി. എന്നാല്‍ ദീപിക ചടങ്ങില്‍ പങ്കെടുത്തിരുന്നില്ല. ഇപ്പോള്‍ ശ്രദ്ധനേടുന്നത് ദീപിക പരിപാടിയില്‍ പങ്കെടുക്കാത്തതിനെ കുറിച്ച് രണ്‍വീര്‍ പറഞ്ഞ വാക്കുകളാണ്.

ദീപിക കുഞ്ഞുമായി തിരക്കിലാണ് അതുകൊണ്ടാണ് അവള്‍ക്ക് വരാന്‍ സാധിക്കാതിരുന്നത്. എന്റെ ഡ്യൂട്ടി രാത്രിയിലാണ്. അതാണ് ഞാന്‍ വന്നത്.- എന്നാണ് താരം പറഞ്ഞത്. കൂടാതെ തന്റെ കുഞ്ഞിന്റെ അരങ്ങേറ്റമാണ് സിങ്കം എഗെയ്ന്‍ എന്നും രണ്‍വീര്‍ പറഞ്ഞു. സിനിമയുടെ ഷൂട്ടിങ്ങിനിടെ ദീപിക ഗര്‍ഭിണിയായിരുന്നു എന്നാണ് താരം പറഞ്ഞത്.

'അമല്‍ നീരദിന്റെ ഭാര്യയാകുന്നതിന് മുന്‍പ് ജ്യോതിര്‍മയി ആരായിരുന്നെന്ന് നോക്ക്'; നെപ്പോട്ടിസമെന്ന് വിമര്‍ശനം, മറുപടിയുമായി റിമ

രോഹിത് ഷെട്ടി കോപ് യൂണിവേഴ്സിൽ നിന്നും എത്തുന്ന മൾടിസ്റ്റാർ ചിത്രമാണ് ‘സിങ്കം എഗെയ്ൻ’. വൻ താര നിരയിലാണ് ചിത്രം ഒരുക്കുന്നത്. അജയ് ദേവ്​ഗൺ, അക്ഷയ് കുമാർ, രൺവീർ സിങ്, ടൈ​ഗർ ഷറോഫ്, കരീന കപൂർ തുടങ്ങിയവരാണ് ചിത്രത്തിൽ പ്രധാന വേഷങ്ങളിൽ എത്തുന്നത്. സോഷ്യൽ മീഡിയയിൽ ശ്രദ്ധനേടുകയാണ് സിങ്കം എ​ഗെയ്ൻ ട്രെയിൽ. 350 കോടിയാണ് ‘സിങ്കം എഗെയ്ൻ’ സിനിമയുടെ ബജറ്റ്. ചിത്രം നവംബർ ഒന്നിന് തിയറ്ററുകളിലെത്തും.