ഇത്തവണ ​ഗ്രാമി അവാർഡ് കേരളത്തിലേക്ക് വരുമോ? സം​ഗീത പ്രേമികളെ ഒന്നാകെ ആവേശത്തിലാക്കിയിരിക്കുകയാണ് സം​ഗീത സംവിധായകൻ സുഷിൻ ശ്യാം. ​ആവേശം, മഞ്ഞുമ്മല്‍ ബോയ്‌സ് എന്നീ ചിത്രങ്ങളിലെ സംഗീതം ഗ്രാമി പുരസ്കാരത്തിന് പരി​ഗണിക്കുന്നതിനായി സമർപ്പിച്ച വിവരമാണ് സുഷിൻ പങ്കുവച്ചത്.

സെറ്റിൽ നിന്ന് ഒന്നും മിണ്ടാതെ ഇറങ്ങിപ്പോയി, ഒരു കോടി രൂപയുടെ നഷ്ടം; പ്രകാശ് രാജിനെതിരെ നിർമ്മാതാവ്

വിഷ്വല്‍ മീഡിയ വിഭാഗത്തിലെ ബെസ്റ്റ് സ്‌കോര്‍ സൗണ്ട് ട്രാക്കിനായി മഞ്ഞുമ്മല്‍ ബോയ്‌സിലെ സംഗീതവും ബെസ്റ്റ് കംപൈലേഷന്‍ സൗണ്ട്ട്രാക്ക് വിഭാഗത്തിലേക്ക് ആവേശത്തിലെ സംഗീതവുമാണ് അയച്ചത്. പോസ്റ്റിനു താഴെ പ്രമുഖർ ഉൾപ്പടെ നിരവധി പേരാണ് കമന്റുമായി എത്തിയിരിക്കുന്നത്. മലയാളത്തിലേക്ക് ​ഗ്രാമി കൊണ്ടുവന്ന് സുഷിൻ സീൻ മാറ്റുമോ എന്നാണ് പലരുടേയും കമന്റുകൾ.

ഇപ്പോൾ മലയാളത്തിലുള്ള ഏറ്റവും സൂപ്പർഹിറ്റ് സം​​ഗീത സംവിധായകനാണ് സുഷിൻ ശ്യം. ആവേശത്തിലെയും മഞ്ഞുമ്മല്‍ ബോയ്‌സിലെയും സുഷിന്റെ സംഗീതം ഏറെ തരംഗമായിരുന്നു. അടുത്തിടെ പുറത്തിറങ്ങിയ ബോ​ഗെയ്ൻവില്ലയിലെ സ്തുതി എന്ന ​ഗാനത്തിലൂടെ വീണ്ടും തരം​ഗം തീർത്തിരിക്കുകയായാണ് സുഷിൻ.