പ്രവാസികള്‍ക്ക് ആശ്വാസം; സൗദി എയര്‍ലൈന്‍സ് ജിദ്ദ-കോഴിക്കോട് സര്‍വീസ് ഉടന്‍
സൗദി എയര്‍ലൈന്‍സ്
Edited by :Amal Joy
Last Updated :5 ഓഗസ്റ്റ് 2026, 3:41 pm IST
ജിദ്ദ: മലബാറിലെ പ്രവാസികള്‍ക്ക് ആശ്വാസമായി സൗദി എയര്‍ലൈന്‍സ് ജിദ്ദ-കോഴിക്കോട് സര്‍വീസ് പുനരാരംഭിക്കുന്നു. നിലവില്‍ റിയാദ്-കോഴിക്കോട് സെക്ടറില്‍ സൗദിയ എയര്‍ലൈന്‍സ് സര്‍വീസ് നടത്തുന്നുണ്ട്. ജിദ്ദയിലേക്കു ഡിസംബര്‍ 4 മുതല്‍ സര്‍വീസ് ഉണ്ടാകുമെന്നാണു വിവരം. 180 മുതല്‍ 220 വരെ പേര്‍ക്കു യാത്ര ചെയ്യാവുന്ന എയര്‍ബസ് എ321 (നിയോ എക്‌സ്എല്‍ആര്‍) വിമാനമാണ് സര്‍വീസിന് എത്തിക്കുക.
ആഴ്ചയില്‍ മൂന്ന് സര്‍വിസുകളാണുണ്ടാകുക. മലബാറിലെ പ്രവാസികള്‍ക്കും ഉംറ തീര്‍ഥാടകര്‍ക്കും ഇത് ഗുണമാകും. ജിദ്ദ- കോഴിക്കോട് സര്‍വീസുകള്‍ തിങ്കള്‍, വെള്ളി ദിവസങ്ങളില്‍ സൗദി സമയം വൈകീട്ട് 4.30ന് ജിദ്ദയില്‍ നിന്ന് പുറപ്പെട്ട് ഇന്ത്യന്‍ സമയം രാത്രി 12.25ന് കരിപ്പൂരിലെത്തും. തിങ്കളാഴ്ച പുലര്‍ച്ചെ ഒന്നിന് പുറപ്പെട്ട് രാവിലെ ഒമ്പതിന് തിരികെയെത്തും. കരിപ്പൂരില്‍ നിന്ന് ശനി, തിങ്കള്‍, ചൊവ്വ ദിവസങ്ങളിലാണ് ജിദ്ദയിലേക്ക് സര്‍വീസ് നടക്കുന്നത്.
ജിദ്ദ മക്കയിലേക്കും മദീനയിലേക്കുമുള്ള പ്രവേശന കവാടമായതിനാല്‍ കോഴിക്കോട്ടേക്കുള്ള നേരിട്ടുള്ള സര്‍വീസ് ഉംറ തീര്‍ഥാടകര്‍ക്കും ഏറെ പ്രയോജനപ്പെടും. 2020 ആഗസ്റ്റ് ഏഴിന് നടന്ന കരിപ്പൂര്‍ വിമാന ദുരന്തത്തിന് ശേഷമാണ് സൗദി എയര്‍ലൈന്‍സ് സര്‍വീസ് നിര്‍ത്തിവെച്ചത്. അതേസമയം റിയാദ്- കൊച്ചി നേരിട്ടുള്ള സര്‍വിസ് സൗദി അറേബ്യയുടെ ഫ്‌ലൈ നാസ് പ്രഖ്യാപിച്ചിട്ടുണ്ട്. സെപ്?റ്റംബര്‍ രണ്ട് മുതലാണ് സര്‍വിസ്? ആരംഭിക്കുക. ഞായര്‍, ബുധന്‍, വെള്ളി ദിവസങ്ങളിലാണ് സര്‍വിസ് ഉണ്ടാകുക.
News Now
'ഇത്തിരി പോന്ന എന്റെ പിറകെ ആട്ടിന്‍ കുട്ടിയെപ്പോലെ അവന്‍ നടന്നു; ആ വീട്ടുകാര്‍ എങ്ങനെ സഹിക്കും'; പല്ലാട്ട് ബ്രഹ്മദത്തനെ ഓര്‍ത്ത് മീനാക്ഷി
'എന്നെ ഓര്‍മ്മിക്കാനായി... നന്ദിയോടെ'; അധ്യാപക ദിനത്തില്‍ 55 വര്‍ഷം പഴക്കമുള്ള ചിത്രം പങ്കിട്ട് യുഎഇ പ്രസിഡന്റ്
ലൈഫ് പദ്ധതി തുടരും; ലക്ഷ്യം ഭവനരഹിതരില്ലാത്ത കേരളമെന്ന് മുഖ്യമന്ത്രി
ഇത് ലൈംഗികാതിക്രമത്തിന് തുല്യം, മനുഷ്യനായി പരിഗണിക്കമെന്ന് ആവശ്യപ്പെടുന്നത് കൂടുതലാണോ?: ജാന്‍വി കപൂര്‍
Summary
Relief for expatriates; Saudi Airlines Jeddah-Kozhikode service soon
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
