യുഎഇയിൽ താപനില കുറയുന്നു,മഴയ്ക്കും സാധ്യത; ശൈത്യകാലം ആരംഭിക്കുന്നു?

ദു​ബൈ: യു എ ഇയിൽ വരും ദിവസങ്ങളിൽ താ​പ​നി​ല കു​റ​യു​മെ​ന്നും പ​ല​യി​ട​ങ്ങ​ളി​ലും മഴ പെയ്യുമെന്നും ദേ​ശീ​യ കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം. രാ​ജ്യ​ത്ത്​ വേ​ന​ൽ​ക്കാ​ലം അവസാനിക്കുന്നതിന് ഭാഗമായി ആണ് ​ കാ​ലാ​വ​സ്ഥ​യി​ലെ ഈ മാ​റ്റമെന്നാണ് വിലയിരുത്തുന്നത്. ചില പ്രദേശങ്ങളിൽ മൂടൽ മഞ്ഞ് ഉണ്ടാകാനും പൊ​ടി​ക്കാ​റ്റ് വീശാനും സാധ്യതയുണ്ടെന്നും ജനങ്ങൾ ജാഗ്രത പാലിക്കണമെന്നും അധികൃതർ മുന്നറിയിപ്പ് നൽകിയിട്ടുണ്ട്.

യു എ ഇയുടെ പ​ടി​ഞ്ഞാ​റ​ൻ മേ​ഖ​ല​യി​ൽ ആണ് മൂടൽ മഞ്ഞ് ഉണ്ടാകാനും കി​ഴ​ക്ക​ൻ, തെ​ക്ക​ൻ മേ​ഖ​ല​ക​ളി​ൽ വരും ദിവസം മഴ പെയ്യാൻ സാധ്യതയുണ്ട്. വിവിധ പ്രദേശങ്ങളിൽ പൊടിക്കാറ്റ് വീശാൻ സാധ്യതയുള്ളതിനാൽ വാഹനമോടിക്കുന്നവർ ജാഗ്രത പുലർത്തണം. ശനിയാഴ്ച വരെ സമാനമായ രീതിയിൽ ആയിരിക്കും കാലാവസ്ഥയെന്നും അധികൃതർ വ്യക്തമാക്കി.

നേരത്തെ ശൈത്യകാലത്തിന്റെ വരവറിയിച്ചുകൊണ്ട് യു എ ഇയിൽ സുഹൈല്‍ നക്ഷത്രം പ്രത്യക്ഷപ്പെട്ടിരുന്നു. ഇതോടെ പകല്‍സമയത്തിന്റെ ദൈര്‍ഘ്യം 13 മണിക്കൂറില്‍ താഴെയായിട്ടുണ്ട്.  ഒക്ടോബറോടെ രാവും പകലും തുല്യദൈര്‍ഘ്യത്തിലെത്തുകയും ഈ സമയങ്ങളില്‍ രാജ്യത്തെ താപനിലയിലും കുറവ് രേഖപ്പെടുത്തുമെന്നാണ് അധികൃതർ പറയുന്നത്.