മുംബൈ: മഹാരാഷ്ട്രയില്‍ ഇന്ന് കോവിഡ് ബാധിച്ചവരുടെ എണ്ണം 7,924. ഇതോടെ സംസ്ഥാനത്തെ മൊത്തം രോഗികളുടെ എണ്ണം 3,83,723 ആയി. 

227 പേരാണ് ഇന്ന് മരിച്ചത്. ഇതോടെ സംസ്ഥാനത്തെ മൊത്തം മരണം 13,883 ആയി. 

2,21,944 പേര്‍ക്കാണ് ഇതുവരെ രോഗ മുക്തി. 1,47,592 ആണ് ആക്ടീവ് കേസുകള്‍. ഇന്ന് മാത്രം 8,706 പേര്‍ക്ക് രോഗ മുക്തിയുണ്ട്. സംസ്ഥാനത്തെ രോഗ മുക്തി നിരക്ക് 57.84 ശതമാനമായെന്ന് മഹാരാഷ്ട്ര ആരോഗ്യ വകുപ്പ് പുറത്തിറക്കിയ റിപ്പോര്‍ട്ടില്‍ വ്യക്തമാക്കുന്നു. 

അതിനിടെ രാജ്യത്ത് കോവിഡ് ബാധിതര്‍ ഉയരുമ്പോഴും ആനുപാതികമായി രോഗ മുക്തി നേടുന്നവരുടെ എണ്ണവും ഉയരുന്നത് പ്രതീക്ഷ നല്‍കുന്നു. രാജ്യത്തെ രോഗ മുക്തി നിരക്ക് 64 ശതമാനത്തിലേക്ക് അടുക്കുകയാണ്. കോവിഡ് രോഗ മുക്തി നിരക്ക് 63.92 ശതമാനമെന്ന് കേന്ദ്ര സര്‍ക്കാര്‍ കണക്കുകള്‍ വ്യക്തമാക്കുന്നു.

ഇന്നലെ ഇത് 63.91 ശതമാനമായിരുന്നു. രോഗമുക്തി നിരക്കില്‍ ഇന്ന് നേരിയ വര്‍ധനയാണ് ഉണ്ടായിരിക്കുന്നത്. കഴിഞ്ഞ 24 മണിക്കൂറിനിടെ 31,991 പേരാണ് രോഗമുക്തി നേടി ആശുപത്രി വിട്ടത്. നിലവില്‍ കോവിഡ് മുക്തര്‍ ഒന്‍പത് ലക്ഷം കടന്നതായും സര്‍ക്കാര്‍ കണക്കുകള്‍ വ്യക്തമാക്കുന്നു. 9,17,567 പേരാണ് ഇതുവരെ രോഗമുക്തി നേടി ആശുപത്രി വിട്ടത്.

നിലവില്‍ രാജ്യത്ത് 4,85,114 പേരാണ് കോവിഡ് ബാധിച്ച് വിവിധ ആശുപത്രികളില്‍ ചികിത്സയില്‍ കഴിയുന്നത്. ചികിത്സയില്‍ കഴിയുന്നവരും രോഗ മുക്തി നേടിയവരും തമ്മിലുളള അന്തരം 4,32,453 ആയി ഉയര്‍ന്നതായും സര്‍ക്കാര്‍ കണക്കുകള്‍ വ്യക്തമാക്കുന്നു.