ഗുവാഹത്തി: അസമിലെ കാസിരംഗ ദേശീയ പാർക്കിൽ പ്രളയത്തിൽ കുടുങ്ങിയ 10 ദിവസം മാത്രം പ്രായമായ കാണ്ടാമൃ​ഗത്തെ രക്ഷിച്ചു. പാർക്കിനുള്ളിലെ സെൻട്രൽ റേഞ്ചിന്റ പുറത്തുനിന്നാണ് കാണ്ടാമൃഗത്തെ രക്ഷിച്ചത്. 

കുഞ്ഞിനെ രക്ഷിച്ചെങ്കിലും അമ്മയെ കണ്ടെത്താനായില്ലെന്ന് ഉദ്യോ​ഗസ്ഥർ അറിയിച്ചു. അവശനായ കാണ്ടാമൃ​ഗത്തെ സംരക്ഷണത്തിനായി സെന്റർ ഫോർ വൈൽഡ് ലൈഫ് റീഹാബിലിറ്റേഷൻ ആന്റ് കൺസർവേഷനിലേക്ക് (സിഡബ്ല്യുആർസി) അയച്ചു. 

അതേസമയം കാസിരംഗ ദേശീയോദ്യാനത്തിലെ വെള്ളപ്പൊക്കം ഗുരുതരമായി തുടരുകയാണ്. ഇതിനോടകം ഏഴ് ഹോ​ഗ് ഡീർ (ഒരിനം മാൻ) ഉൾപ്പെടെ ഒമ്പത് വന്യമൃഗങ്ങൾ ചത്തു. പാർക്കിന്റെ 70 ശതമാനം പ്രദേശങ്ങളും വെള്ളത്തിനടിയിലായി.