അത്യാധുനിക സൗകര്യങ്ങള്‍, മികച്ച പ്രവര്‍ത്തന പാരമ്പര്യം; ബോയിങ് 787 ഡ്രീംലൈനര്‍ ഭൂഖണ്ഡാന്തര യാത്രകളിലെ വിശ്വസ്ഥന്‍

ന്യൂഡല്‍ഹി: രാജ്യത്തെ നടുക്കി അഹമ്മദാബാദ് വിമാനത്താവളത്തിന് സമീപം തകര്‍ന്നു വീണ എയര്‍ ഇന്ത്യ 171 ഡ്രീംലൈനര്‍ (Air India Plane Crash ) വിമാനം ബോയിങ് കമ്പനിയുടെ ഏറ്റവും നൂതനമായ മോഡലുകളില്‍ ഒന്ന്. ബോയിങ് 787-8 ഡീംലൈനര്‍ മോഡലാണ് അഹമ്മദാബാദില്‍ അപകടത്തില്‍പ്പെട്ടത്. ലോകമെമ്പാടും വ്യാപകമായി ഉപയോഗിക്കപ്പെടുന്ന പാസഞ്ചര്‍ വിമാന മോഡല്‍ കൂടിയാണിത്.

പറയുന്നയര്‍ന്നതിന് പിന്നാലെ 'മെയ്‌ഡേ..' സന്ദേശം, ശേഷം നിശബ്ദത; വിമാനം തകര്‍ന്നത് ടേക്ക് ഓഫ് ചെയ്ത് അഞ്ച് മിനിറ്റിനകം

2011 ല്‍ ആണ് 787-8 ഡീംലൈനര്‍ ബോയിങ് പുറത്തിറക്കുന്നത്. ഇക്കഴിഞ്ഞ പതിനാല് വര്‍ഷത്തിനിടെ പതിനാല് ദശലക്ഷം യാത്രക്കാര്‍ ബോയിങ് 787-8 ഡീംലൈനര്‍ വിമാനങ്ങളില്‍ യാത്ര ചെയ്തിട്ടുണ്ടെന്നാണ് കണക്കുകള്‍. പതിനൊന്ന് വര്‍ഷം മാത്രമാണ് അഹമ്മദാബാദില്‍ അപകടത്തില്‍പ്പെട്ട എയര്‍ ഇന്ത്യ 171 ന് ഉണ്ടായിരുന്നത്. ഭാരം കുറഞ്ഞതും കരുത്തുറ്റതുമായ ഒരു ഘടനയാണ് വിമാന കമ്പനികളെ ബോയിങ് 787-8 മോഡലുകളിലേക്ക് അടുപ്പിക്കുന്നത്. മറ്റ് വിമാനങ്ങളെ അപേക്ഷിച്ച് 25 ശതമാനം വരെ ഇന്ധന ഉപയോഗം കുറവാണ് ബോയിങ് 787-8 ഡീംലൈനര്‍ മോഡലുകള്‍ക്ക് എന്നതും ഇതിന്റെ പ്രിയം വര്‍ധിപ്പിക്കുന്നു.

വിമാനം തകര്‍ന്നുവീണത് ഡോക്ടര്‍മാര്‍ താമസിക്കുന്ന ഹോസ്റ്റലിന് മുകളില്‍; യാത്രക്കാരില്‍ 169 ഇന്ത്യക്കാരും 53 ബ്രിട്ടീഷുകാരും

ഭൂഖണ്ഡാന്തര യാത്രകള്‍ക്കാണ് ബോയിംഗ് 787-8 ഡ്രീംലൈനര്‍ വ്യാപകമായി ഉപയോഗിക്കപ്പെടുന്നത്. ആഗോളതലത്തില്‍ 425-ലധികം പുതിയ നോണ്‍സ്റ്റോപ്പ് റൂട്ടുകളില്‍ ഇതേ മോഡല്‍ കാര്യക്ഷമമായി ഉപയോഗിക്കുന്നുണ്ടെന്ന് ബോയിങ് കമ്പനി തന്നെ വ്യക്തമാക്കുന്നു. 13,530 കിലോമീറ്റര്‍ വരെ നിര്‍ത്താതെ പറക്കാന്‍ ഈ വിമാനങ്ങള്‍ക്ക് കഴിയുമെന്നതാണ് മറ്റൊരു പ്രത്യേകത. 242 - 290 നും ഇടയില്‍ യാത്രക്കാര്‍ക്ക് സഞ്ചരിക്കാന്‍ കഴിയുന്നവയാണ് ബോയിംഗ് 787-8 ഡ്രീംലൈനര്‍ മോഡല്‍. നേരത്തെ ബോയിങ്ങിന്റെ 767-200 ഇ ആര്‍, എയര്‍ബസ് എ 330 എയര്‍ക്രാഫ്റ്റുകള്‍ ഉപയോഗിച്ചിരുന്ന റൂട്ടുകളിലാണ് ഇപ്പോള്‍ 787-8 ഡ്രീംലൈനര്‍ വ്യാപകമായി ഉപയോഗിക്കപ്പെടുന്നത്. ഏറ്റവും നൂതനമായ ആശയ വിനിമയ സംവിധാനങ്ങളും കാഴ്ച പരിധിയും ഉള്‍പ്പെടെ ബോയിങ് ബോയിങ് 787-8 ഡ്രീംലൈനര്‍ സാധ്യമാക്കിയിരുന്നു.