റിപ്പോര്‍ട്ടിങ്ങിനിടെ മാധ്യമപ്രവര്‍ത്തകന് നേരെ ചാടിവീണ് പുലി, ഒടുവില്‍- വീഡിയോ

ജയ്പൂര്‍: രാജസ്ഥാനില്‍ റിപ്പോര്‍ട്ടിങ്ങിനിടെ മാധ്യമപ്രവര്‍ത്തകനെ പുലി ആക്രമിച്ചു. ആക്രമണത്തില്‍ ഭയന്ന് രക്ഷപ്പെടാനായി പിന്തിരിഞ്ഞ് ഓടുന്നതിന് പകരം ധീരമായി നേരിട്ട മാധ്യമപ്രവര്‍ത്തകന്‍ പുലിയെ പിടികൂടി. ഇതിന്റെ ദൃശ്യങ്ങള്‍ സാമൂഹിക മാധ്യമങ്ങളില്‍ വ്യാപകമായാണ് പ്രചരിക്കുന്നത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

ദംഗര്‍പൂരിലാണ് സംഭവം. മാധ്യമപ്രവര്‍ത്തകന്‍ ഗുണ്‍വന്ത് കലാലിനെയാണ് പുലി ആക്രമിച്ചത്. റിപ്പോര്‍ട്ടിങ്ങിനിടെ കുറ്റിക്കാട്ടില്‍ മറഞ്ഞിരുന്ന പുലിയാണ് മാധ്യമപ്രവര്‍ത്തകനെ ആക്രമിച്ചത്. ഭയന്ന് രക്ഷപ്പെടാനായി പിന്തിരിഞ്ഞ് ഓടാതെ, ധീരതയോടെ പോരാടിയ മാധ്യമപ്രവര്‍ത്തകന്‍ പുലിയെ പിടികൂടുകയായിരുന്നു.

പുലിയും മാധ്യമപ്രവര്‍ത്തകനും തമ്മിലുള്ള ഏറ്റുമുട്ടല്‍ അഞ്ചുമിനിറ്റ് വരെ നീണ്ടുനിന്നു. അതേസമയം പുലിയുടെ ആക്രമണത്തില്‍ മാധ്യമപ്രവര്‍ത്തകന് സാരമായി പരിക്കേറ്റു.