കോഴിയെ കൊന്നതിലുള്ള പ്രതികാരം; തെരുവുനായയെ വെട്ടിക്കൊന്ന വിഡിയോ വൈറൽ, പിന്നാലെ അറസ്റ്റ് 

ഭുവനേശ്വർ: തെരുവുനായയെ അതിക്രൂരമായി കൊലപ്പെടുത്തിയ ആളെ പൊലീസ് അറസ്റ്റ് ചെയ്തു. ബാബുല സിങ് എന്നയാളാണ് അറസ്റ്റിലായത്. ഒഡിഷയിലെ കെന്ദ്രപാര ജില്ലയിലാണ് സംഭവം. ബാബുല നായയെ കൊല്ലുന്ന ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിച്ചതിന് പിന്നാലെയാണ് അറസ്റ്റ്. 

മൂർച്ചയേറിയ ആയുധം ഉപയോ​ഗിച്ച് ഇയാൾ നായയെ വെട്ടിക്കൊല്ലുന്നത് വിഡിയോയിൽ കാണാം. 15 സെക്കൻഡ് ദൈർഘ്യമുള്ള വിഡിയോയാണ് വൈറലായത്. മൃഗങ്ങളോടുള്ള ക്രൂരത തടയുന്ന നിയമപ്രകാരമാണ് ഇയാളെ അറസ്റ്റ് ചെയ്തത്. 

കോഴിയെ കൊന്നതിലുള്ള പ്രതികാരമാണ് നായയെ കൊന്നതെന്നാണ് ഇയാൾ പറഞ്ഞത്.