നന്ദിഗ്രാം: ചായക്കടയില്‍ ചായ വിതരണം ചെയ്ത് ബംഗാള്‍ മുഖ്യമന്ത്രി മമത ബാനര്‍ജി. നന്ദിഗ്രാമിലെ ചായക്കടയിലാണ് മമത ചായയുണ്ടാക്കി വിതരണം ചെയ്തത്. ഇത്തവണ നന്ദിഗ്രാമില്‍ നിന്നാണ് മമത ജനവിധി തേടുന്നത്. 

ടേബിളില്‍ ഇരിക്കുന്ന ഗ്ലാസുകളിലേക്ക് മമത ചായ പകരുന്നതിന്റെയും ജനങ്ങള്‍ക്കൊപ്പമിരുന്ന് ചായ കുടിക്കുന്നതിന്റെയും വീഡിയോ വാര്‍ത്താ ഏജന്‍സിയായ എഎന്‍ഐ പുറത്തുവിട്ടു. 

ഏപ്രില്‍ ഒന്നിന് നന്ദിഗ്രാമിലെ ജനങ്ങള്‍ ബിജെപിയെ ഏപ്രില്‍ ഫൂള്‍ ആക്കുമെന്ന് നന്ദിഗ്രാമിലെ പൊതുയോഗത്തില്‍ മമത പരിഹസിച്ചു. മണ്ഡലത്തിലെ മമതയുടെ ആദ്യത്തെ റാലിയായിരുന്നു ഇത്. നാളെയാണ് മുഖ്യമന്ത്രി തെരഞ്ഞെടുപ്പില്‍ മത്സരിക്കാനായി നാമനിര്‍ദേശ പത്രിക സമര്‍പ്പിക്കുന്നത്.