കട്ടപ്പന: ബാറുകള്‍ തുറന്നത് സമൂഹം നശിക്കാതിരിക്കാനാണെന്ന് വൈദ്യുതി മന്ത്രി എം.എം മണി. കട്ടപ്പനയില്‍ ജില്ലാ പൊലീസ് അസോസിയേഷന്‍ സംഘടിപ്പിച്ച യാത്രയയപ്പ് യോഗം ഉദ്ഘാടനം ചെയ്ത് സംസാരിക്കവെയായിരുന്നു മണിയുടെ പ്രതികരണം. 

ഞങ്ങളൊക്കെ കുടിയന്‍മാരായതുകൊണ്ടല്ല, മറിച്ച് സമൂഹം നശിക്കാതിരിക്കാനാണ് ബാറുകള്‍ തുറന്നത്. ബാറുകള്‍ അടച്ചത് മറ്റ് ലഹരി വസ്തുക്കളുടെ ഉപയോഗം വര്‍ധിക്കാന്‍ കാരണമായി. ബാറുകള്‍ തുറക്കുന്നതിനെതിരായ  പ്രതിഷേധ പ്രകടനങ്ങള്‍ കണ്ടില്ലെന്ന് നടിക്കാന്‍ കാരണം ഇതാണെന്നും മന്ത്രി പറഞ്ഞു.