കൊച്ചി : സംസ്ഥാനത്ത് ജനുവരി 30 മുതല്‍ ഇനിശ്ചിതകാല ബസ് സമരം. സ്വകാര്യ ബസ് ഓപ്പറേറ്റേഴ്‌സ് കോണ്‍ഫെഡറേഷനാണ് സമരം പ്രഖ്യാപിച്ചത്. മിനിമം ചാര്‍ജ് 10 രൂപ ആക്കണമെന്ന് ആവശ്യപ്പെട്ടാണ് സമരം. ഇന്ധനവിലയിലും സ്‌പെയര്‍പാര്‍ട്‌സുകളിലും ഉണ്ടാകുന്ന വില വര്‍ധനയ്ക്ക് ആനുപാതികമായി മിനിമം ചാര്‍ജിലും വര്‍ധന വേണമെന്ന് സമരക്കാര്‍ ആവശ്യപ്പെട്ടു. 

നേരത്തെ ഫെബ്രുവരി ഒന്നു മുതല്‍ സര്‍വീസ് നിര്‍ത്തിവെച്ച് ബസുകള്‍ അനിശ്ചിതകാല സമരം നടത്തുമെന്ന് കേരള പ്രൈവറ്റ് ബസ് ഓപ്പറേറ്റേഴ്‌സ് കോഡിനേഷന്‍ കമ്മിറ്റി പ്രഖ്യാപിച്ചിരുന്നു. മൂന്ന് കൊല്ലം മുമ്പാണ് നിരക്ക് പരിഷ്‌കരിച്ചത്. കാലാനുസൃതമായി നിരക്ക് വര്‍ധിപ്പിക്കണമെന്നാണ് ബസുടമകളുടെ ആവശ്യം.