തിരുവനന്തപുരം; തിരുവനന്തപുരം ശ്രീകാര്യത്ത് പട്ടാപ്പകൽ സ്ത്രീക്ക് നേരെ അതിക്രമം. റോഡിലൂടെ നടന്നുപോവുകയായിരുന്ന 68കാരിയാണ് ആക്രമണത്തിന് ഇരയായത്. പിന്തുടർന്ന് എത്തി സ്ത്രീയെ കടന്നുപിടിക്കുകയായിരുന്നു. സംഭവത്തിൽ വട്ടപ്പാറ സ്വദേശി ചിത്രസേനനെ പൊലീസ് അറസ്റ്റ് ചെയ്തു.

ബുധനാഴ്ച ഉച്ചയോടെ ശ്രീകാര്യം ജങ്ഷന് സമീപത്തായിരുന്നു സംഭവം. നടന്നുപോവുകയായിരുന്ന 68-കാരിയെ പിന്തുടര്‍ന്നെത്തിയ ചിത്രസേനന്‍ കടന്നുപിടിക്കുകയായിരുന്നു. കുതറിമാറാന്‍ ശ്രമിച്ചപ്പോള്‍ കഴുത്തില്‍ കുത്തിപിടിച്ച് റോഡില്‍ തള്ളിയിടാനും ശ്രമിച്ചു. സ്ത്രീയുടെ നിലവിളി കേട്ടെത്തിയ നാട്ടുകാരാണ് ഇവരെ രക്ഷിച്ചത്. 

ചിത്രസേനനെ നാട്ടുകാർ ചേർന്ന് തടഞ്ഞു നിർത്തി പൊലീസിൽ വിവരം അറിയിച്ചു. തുടര്‍ന്ന് പോലീസെത്തി അക്രമിയെ കസ്റ്റഡിയിലെടുക്കുകയായിരുന്നു. 2020-ല്‍ ശ്രീകാര്യം പോലീസ് സ്‌റ്റേഷനില്‍ രജിസ്റ്റര്‍ ചെയ്ത വധശ്രമക്കേസിലെ പ്രതിയാണ് ചിത്രസേനന്‍. പ്രതിയെ കോടതിയില്‍ ഹാജരാക്കും.
 

ഈ വാര്‍ത്ത കൂടി വായിക്കൂ 

ഓടിക്കൊണ്ടിരിക്കെ കാഴ്ച മറച്ച് പുക, പിന്നാലെ ജീപ്പ് നിന്ന് കത്തി; യാത്രക്കാർ തലനാരിഴയ്ക്ക് രക്ഷപ്പെട്ടു​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ