തിരുവനന്തപുരം: നിയന്ത്രണങ്ങൾക്ക് വിധേയമായി സിനിമാ ചിത്രീകരണത്തിന് അനുമതി നൽകുമെന്ന് മുഖ്യമന്ത്രി പിണറായി വിജയൻ. വാർത്താ സമ്മേളനത്തിലാണ് അദ്ദേഹം ഇക്കാര്യം വ്യക്തമാക്കിയത്. 

സീരിയൽ ഷൂട്ടിങ് അനുവദിച്ചതു പോലെ കാറ്റഗറി എ, ബി പ്രദേശങ്ങളിൽ കർക്കശമായ നിയന്ത്രണങ്ങൾക്കു വിധേയമായി സിനിമ ഷൂട്ടിങ്ങും അനുവദിക്കും. ഒരു ഡോസെങ്കിലും വാക്സിൻ എടുത്തവർക്കു മാത്രമാകണം ഇത്തരം എല്ലായിടത്തും പ്രവേശനം.

എ, ബി വിഭാഗങ്ങളിൽ പെടുന്ന  പ്രദേശങ്ങളിൽ മറ്റു കടകൾ തുറക്കാൻ അനുമതിയുള്ള ദിവസങ്ങളിൽ ബ്യൂട്ടിപാർലറുകളും ബാർബർ ഷോപ്പോകളും ഒരു ഡോസ് വാക്സിനേഷനെങ്കിലും എടുത്ത സ്റ്റാഫുകളെ ഉൾപ്പെടുത്തി ഹെയർ സ്റ്റൈലിങിനായി തുറന്നു പ്രവർത്തിക്കാൻ  അനുമതി നൽകും.