ആലുവ മഹാശിവരാത്രി; ട്രെയിൻ സർവീസുകളിൽ മാറ്റം, അധിക സ്റ്റോപ്പുകൾ അനുവദിച്ചു, സമയക്രമം ഇങ്ങനെ

കൊച്ചി: ആലുവ മഹാശിവരാത്രി പ്രമാണിച്ച്​ ഇന്ന് ആലുവയിലേക്ക്​ പ്രത്യേക ട്രെയിനുകളും സ്റ്റോപ്പുകൾ അനുവദിച്ച് റെയിൽവേ. നിലമ്പൂരിൽ നിന്ന് പുറപ്പെടുന്ന 16325 നിലമ്പൂർ - കോട്ടയം എക്സ്പ്രസ് മറ്റ് സ്റ്റോപ്പുകൾക്ക് പുറമെ മുള്ളൂർക്കര, ഒല്ലൂർ, നെല്ലായി, കൊരട്ടി എന്നിവിടങ്ങളിൽ കൂടി നിർത്തുന്നതാണ്. രാത്രി തൃശൂരിൽ എത്തുന്ന 56605 ഷൊർണ്ണൂർ - തൃശൂർ പാസഞ്ചർ ആലുവ വരെ നീട്ടി.

തൃശൂരിൽ നിന്ന് 23.15ന് പുറപ്പെടുന്ന ട്രെയിൻ ഒല്ലൂർ - 23.24, പുതുക്കാട് - 23.34, നെല്ലായി - 23.40, ഇരിഞ്ഞാലക്കുട - 23.47, ചാലക്കുടി - 23.55, ഡിവൈൻ നഗർ - 23.59, കൊരട്ടി - 00.04, കറുകുറ്റി - 00.09, അങ്കമാലി - 00.17, ചൊവ്വര - 00.26 വഴി 00.45ന് ആലുവയിൽ എത്തും.

നാല് ഡിഗ്രി സെല്‍ഷ്യസ് വരെ ചൂട് കൂടാം, സംസ്ഥാനത്ത് ഉഷ്ണതരംഗ സാധ്യത; ഇന്ന് രണ്ടു ജില്ലകളില്‍ യെല്ലോ അലര്‍ട്ട്

തിരിച്ച് വ്യാഴാഴ്ച ആലുവയിൽ നിന്ന് രാവിലെ 5.15ന് പുറപ്പെടുന്ന 16609 തൃശൂർ - കണ്ണൂർ എക്സ്പ്രസ് ചൊവ്വര - 5.23, അങ്കമാലി - 5.30, കറുകുറ്റി - 5.36, കൊരട്ടി - 5.41, ഡിവൈൻ നഗർ - 5.46, ചാലക്കുടി - 5.50, ഇരിഞ്ഞാലക്കുട - 5.59, നെല്ലായി - 6.08, പുതുക്കാട് - 6.14, ഒല്ലൂർ - 6.24 വഴി തൃശൂരിലെത്തി പതിവു പോലെ 6.45ന് കണ്ണൂരിലേയ്ക്ക് പുറപ്പെടും. ട്രെയിൻ മുള്ളൂർക്കര, വള്ളത്തോൾ നഗർ എന്നിവിടങ്ങളിലും നിർത്തും.