​ഗുരുവായൂരിൽ കൊമ്പൻമാർക്ക് ഇനി സുഖ ചികിത്സാ കാലം (വിഡിയോ)

തൃശൂർ: ഗുരുവായൂർ ദേവസ്വം ആനകൾക്ക് സുഖചികിത്സ തുടങ്ങി. ആന ചികിത്സ വിദഗ്ദ്ധരായ ഡോ. പിബി ഗിരിദാസ്, ഡോ. ടിഎസ് രാജീവ്, ഡോ. എംഎൻ ദേവൻ നമ്പൂതിരി, ഡോ. കെ വിവേക് എന്നിവരുടെ മേൽനോട്ടത്തിലാണ് സുഖചികിത്സ. വർഷം തോറും ആനകൾക്ക് സുഖചികിത്സ നൽകുന്ന ദേവസ്വം ഗജപരിപാലന പദ്ധതി തുടങ്ങിയിട്ട് 35 വർഷമായി.

മന്ത്രി കെ രാജൻ ആനയ്ക്ക് ആദ്യ ഉരുള നൽകി ഉദ്ഘാടനം നിർവഹിച്ചു. വിനായകൻ, ജൂനിയർ വിഷ്ണു എന്നീ കൊമ്പൻമാർക്ക് ആദ്യ ഉരുള നൽകിയാണ് മന്ത്രി ഉദ്ഘാടനം ചെയ്തത്.

ദേവസ്വം ചെയർമാൻ ഡോ. വികെ വിജയൻ അധ്യക്ഷത വഹിച്ചു. എൻകെ അക്ബർ എംഎൽഎ മുഖ്യാതിഥിയായി. നഗരസഭ സ്റ്റാൻഡിങ് കമ്മിറ്റി ചെയർപേഴ്സൺ ശൈലജ സുധൻ, ഭരണസമിതി അംഗങ്ങളായ സി മനോജ്, കെപി വിശ്വനാഥൻ സംസാരിച്ചു.

Guruvayur Devaswom has started Rejuvenation therapy for elephants. The Rejuvenation therapy is being supervised by elephant treatment experts Dr. PB Giridas, Dr. TS Rajeev, Dr. MN Devan Namboothiri, and Dr. K Vivek.