റിജിൽ മാക്കുറ്റിയെ സ്ഥാനാർഥിയാക്കണം, എഐസിസിക്ക് കത്തുമായി കെ സുധാകരന്‍

ന്യൂഡല്‍ഹി: നിയമസഭാ തെരഞ്ഞെടുപ്പില്‍ സീറ്റ് ലഭിക്കില്ലെന്ന് ഉറപ്പായതോടെ കണ്ണൂരിൽ പകരക്കാരനെ മത്സരിപ്പിക്കണം എന്നാവശ്യവുമായി കെ സുധാകരന്‍ എംപി. കണ്ണൂർ മണ്ഡലത്തിൽ റിജിൽ മാക്കുറ്റിയെ സ്ഥാനാർഥിയാക്കണമെന്ന് ആവശ്യപ്പെട്ട് സുധാകരന്‍ എഐസിസിക്ക് കത്ത് നൽകി. സുധാകരന്റെ ആവശ്യം എഐസിസി പരിഗണിക്കുമെന്നും റിപ്പോർട്ടുകളുണ്ട്.

കഴിഞ്ഞ നാലു ദിവസത്തോളം പാർട്ടിയെ വെട്ടിലാക്കിയ ശേഷമാണ് സുധാകരന്‍ ഇന്ന് നിലപാട് മയപ്പെടുത്തിയത്. എംപിമാര്‍ ആരേയും പരിഗണിക്കേണ്ടെന്ന തീരുമാനത്തില്‍ ഹൈക്കമാന്‍ഡ് ഉറച്ചു നിന്നതോടെയാണ് സുധാകരന്റ വില പേശൽ അവസാനിച്ചത്. പിന്നാലെ മാധ്യമങ്ങളോട് പ്രതികരിക്കവേയാണ് അദ്ദേഹം പാര്‍ട്ടിക്ക് വിധേയനായി തുടരുമെന്നും അദ്ദേഹം വ്യക്തമാക്കി.