സ്വാമി ഋതംഭരാനന്ദ സ്ഥാനമൊഴിഞ്ഞു; സ്വാമി ശുഭാംഗാനന്ദ എസ്എന്‍ ട്രസ്റ്റ് ജനറല്‍ സെക്രട്ടറി

ശിവഗിരി: സ്വാമി ശുഭാംഗാനന്ദയെ ശ്രീനാരായണ ധർമ്മ സംഘം ട്രസ്റ്റ് ജനറൽ സെക്രട്ടറി. ട്രസ്റ്റ് ബോർഡ് യോഗമാണ് ശുഭാംഗാനന്ദയെ ജനറൽ സെക്രട്ടറിയായി തെരഞ്ഞെടുത്തത്. സ്വാമി ഋതംഭരാനന്ദ ജനറൽ സെക്രട്ടറി സ്ഥാനം ഒഴിഞ്ഞതിനെ തുടർന്നാണിത്. 

ചെമ്പഴന്തി ഗുരുകുലം സെക്രട്ടറിയാണ് നിലവിൽ സ്വാമി ശുഭാംഗാനന്ദ. ഗുരുധർമ്മ പ്രചാരണസഭയുടെ സെക്രട്ടറിയായും പ്രവർത്തിച്ചിട്ടുണ്ട്. സ്വാമി ശുഭാംഗാനന്ദ മഹാസമാധിയിൽ സത്യപ്രതിജ്ഞ ചെയ്ത് സ്ഥാനമേറ്റു. പ്രസിഡന്റ് സ്വാമി സച്ചിദാനന്ദ പ്രതിജ്ഞാവാചകം ചൊല്ലിക്കൊടുത്തു. സ്ഥാനമൊഴിഞ്ഞ സ്വാമി ഋതംഭരാനന്ദ സ്വാമി ശുഭാംഗാനന്ദയ്ക്ക് രേഖകൾ കൈമാറി. 

ശിവഗിരിമഠം ഓഫീസിലെത്തി സ്വാമി ശുഭാംഗാനന്ദ ചുമതലയേറ്റു. ഇക്കഴിഞ്ഞ ട്രസ്റ്റ് ബോർഡ് തിരഞ്ഞെടുപ്പിൽ ഏറ്റവും കൂടുതൽ വോട്ട് നേടിയാണ് സ്വാമി ശുഭാംഗാനന്ദ വിജയിച്ചത്. 

ഈ വാര്‍ത്ത കൂടി വായിക്കൂ  

ഇരുമ്പ് വാള്‍ നടയില്‍ 'പ്രത്യക്ഷപ്പെട്ടു'; വിളപ്പില്‍ശാല ക്ഷേത്രത്തിലെ മോഷണം, പ്രതികളെ മണിക്കൂറുകള്‍ക്കം പിടികൂടി പൊലീസ് 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ