മലപ്പുറത്ത് സിപിഐ യുഡിഎഫിന് വോട്ടുചെയ്യും: ആര്യാടന്‍

മലപ്പുറം: മലപ്പുറം ഉപതെരഞ്ഞെടുപ്പില്‍ സിപിഐയുടെ പിന്തുണ പോലും നേടാന്‍ ഇടതു സ്ഥാനാര്‍ഥിക്കു കഴിയില്ലെന്ന് കോണ്‍ഗ്രസ് നേതാവ് ആര്യാടന്‍ മുഹമ്മദ്. സിപിഐ ഇത്തവണ യുഡിഎഫിനായിരിക്കും വോട്ടുചെയ്യുകയെന്നും ആര്യാടന്‍ പറഞ്ഞു.

നാമനിര്‍ദേശപത്രിക സമര്‍പ്പിക്കാനെത്തിയ യുഡിഎഫ് സംഘത്തിനൊപ്പമെത്തിയ ആര്യാടന്‍ മാധ്യമപ്രവര്‍ത്തകരോടു പ്രതികരിക്കുകയായിരുന്നു. ആര്യാടന്‍ മുഹമ്മദിനു പുറമേ ഇടി മുഹമ്മദ് ബഷീര്‍, മറ്റു യുഡിഎഫ് നേതാക്കള്‍ എന്നിവരാണ് പികെ കുഞ്ഞാലിക്കുട്ടിക്കൊപ്പം  കലക്ടറേറ്റില്‍ നാമനിര്‍ദേശ പത്രിക സമര്‍പ്പണത്തിനെത്തിയത്.