ശബ്ദം കേട്ടുണര്‍ന്ന 73കാരി ഞെട്ടി, വീടിന്റെ മച്ചിന് മുകളില്‍ കൂറ്റന്‍ പെരുമ്പാമ്പ് (വീഡിയോ)

ബാങ്കോക്ക്: വീടിന്റെ മച്ചിന് മുകളില്‍ പതുങ്ങിയിരുന്ന കൂറ്റന്‍ പെരുമ്പാമ്പിനെ പിടികൂടി. രണ്ട് മീറ്ററോളം നീളമുള്ള പെരുമ്പാമ്പിനെയാണ് പിടികൂടിയത്. 

തായ്‌ലന്‍ഡിലെ ഫെച്ചാബുനിലാണ് സംഭവം.  ഉറക്കത്തിനിടയില്‍ ശബ്ദം കേട്ടുണര്‍ന്ന 73 കാരിയായ ലെക് യോഡ്കം ആണ് മച്ചിനു മുകളില്‍ പതുങ്ങിയിരിക്കുന്ന പാമ്പിനെ കണ്ടത്. ഉടന്‍ തന്നെ വീട്ടുകാര്‍ പൊലീസിനെ വിവരമറിയിക്കുകയായിരുന്നു.

പൊലീസും പാമ്പുപിടുത്ത വിദഗ്ധരും ചേര്‍ന്നാണ് പാമ്പിനെ ഇവിടെ നിന്നും നീക്കം ചെയ്തത്.പൊലീസുകാരനാണ് വിദഗ്ധരുടെ സഹായത്തോടെ പാമ്പിനെ കൈകൊണ്ട് പിടിച്ചുവലിച്ച് താഴേക്കെത്തിച്ചത്.പാമ്പിനെ പിന്നീട് കാട്ടില്‍ തുറന്നുവിട്ടു.