വെള്ളത്തിന് പകരം ഐസ് കട്ട, റഷ്യയിലെ മരംകോച്ചുന്ന തണുപ്പില്‍ സ്റ്റൂ ഉണ്ടാക്കി യുവാവ്; വിഡിയോ വൈറൽ 

മരംകോച്ചുന്ന തണുപ്പില്‍ മഞ്ഞുവീണുകിടക്കുന്ന സ്ഥലത്ത് പാചകം ചെയ്യുന്ന വിഡിയോയാണ് ഇന്‍സ്റ്റഗ്രാമില്‍ വൈറലാകുന്നത്. വടക്ക് കിഴക്കൻ റിപ്പബ്ലിക്കായ റഷ്യയിലെ യാകുട്ടിയയിൽ നിന്നുള്ള വിഡിയോയാണ് ഇത്. ശൈത്യകാലത്ത് -50 വരെ താപനില കുറയുന്ന ഭൂമിയിലെ ഏറ്റവും തണുപ്പുള്ള സ്ഥലമെന്നാണ് ഇവിടം വിശേഷിക്കപ്പെടുന്നത്. 

വീടിന് പുറത്ത് മഞ്ഞ് പുതച്ച് കിടക്കുന്ന സ്ഥലത്ത് സ്റ്റൂ തയ്യാറാക്കുന്നതാണ് വിഡിയോയിലുള്ളത്. വെള്ളത്തിന് പകരം ഐസ് കട്ടയാണ് ഉപയോ​ഗിക്കുന്നത്. പച്ചക്കറികൾ മുഴുവനായി തന്നെ പാത്രത്തിലേക്കിടുന്നതും കാണാം. വിഭവം പോലെ തന്നെ പാചകം ചെയ്യുന്നതും ഏറെ ആകർഷകമാണെന്നാണ് പലരും കമന്റിൽ കുറിച്ചിരിക്കുന്നത്. ഒരു യഥാര്‍ത്ഥ റഷ്യന്‍ ജീവിതം, ഇതാണ് വിന്റര്‍, ഇവിടെയാണ് ജീവിച്ചിരുന്നതെങ്കില്‍ ഞാന്‍ ജീവിതം തന്നെ അവസാനിപ്പിച്ചേനെ, ഇത്ര തണുപ്പത് ഈ ചൂടന്‍ വിഭവം കഴിക്കാന്‍ കൊതിയാകുന്നു എന്നെല്ലാമാണ് വിഡിയോ കണ്ടവരുടെ പ്രതികരണങ്ങള്‍.