പതിയിരുന്ന സിംഹം സീബ്രാക്കൂട്ടത്തില്‍ ഒന്നിനെ ലക്ഷ്യമിട്ടു, ഒടുവില്‍- വീഡിയോ 

ഇര പിടിക്കാന്‍ പതിയിരുന്ന സിംഹത്തെ പാഞ്ഞെത്തിയ സീബ്രാക്കൂട്ടം ചവിട്ടി ഞെരിക്കുന്ന വീഡിയോ വൈറലാകുന്നു. ടാന്‍സാനിയയിലെ സെരങ്കറ്റി ദേശീയോദ്യാനത്തില്‍ നിന്നും പുറത്തു വരുന്നത്. 

തുറസായ പ്രദേശത്ത് കൂട്ടമായെത്തിയ സീബ്രകളെ കണ്ട് കുറ്റിക്കാടിന് മറവില്‍ സിംഹം പതിയിരിക്കുന്നത് വിഡിയോയുടെ തുടക്കത്തില്‍ കാണാം. സമീപത്ത് വരുന്ന സീബ്രയെ പിടികൂടാന്‍ തയാറെടുത്തിരുന്ന സിംഹം ഒന്നിന്റെ മേലെ ചാടി വീഴാന്‍ മുന്നോട്ടാഞ്ഞു. എന്നാല്‍ പിടി കിട്ടിയില്ലെന്നു മാത്രമല്ല നൂറുകണക്കിന് സീബ്രകള്‍ അതിവേഗത്തില്‍ പാഞ്ഞു പോകുന്നതിനിടയില്‍ സിംഹം അവയ്ക്കിടയില്‍ പെട്ടു പോവുകയായിരുന്നു.

സീബ്രകളുടെ കാലുകള്‍ക്കിടയില്‍പ്പെട്ട സിംഹം തെറിച്ചു വീഴുന്നതും ദൃശ്യത്തിലുണ്ട്. എന്നാല്‍ ഈ സിംഹത്തിന് പുറമേ മറ്റു ചില സിംഹങ്ങളും സീബ്രകളെ പിടികൂടാനായി അതേ പദേശത്ത് നിലയുറപ്പിച്ചിരുന്നു. സീബ്രാക്കൂട്ടം ഓടി നീങ്ങിയതിന് പിന്നാലെ സിംഹക്കൂട്ടം ചേര്‍ന്ന് രണ്ട് സീബ്രകളെ പിടികൂടുകയും ചെയ്തു.  പിടികൂടിയ സീബ്രകളില്‍ ഒന്നിനെ ആക്രമിച്ചു കീഴ്‌പ്പെടുത്തുന്നിടത്താണ് വിഡിയോ അവസാനിക്കുന്നത്.

ഈ വാര്‍ത്ത കൂടി വായിക്കൂ

ഞൊടിയിടയില്‍ അകത്താക്കിയത് വിഷമുള്ള എട്ടു കടല്‍ പാമ്പുകളെ; ഡോള്‍ഫിന്റെ ഭക്ഷണരീതി കണ്ട് ഞെട്ടല്‍- വീഡിയോ  

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്‌. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ