രണ്ട് വയസേ ആയിട്ടുള്ളു. പക്ഷേ ഓഫ് സൈഡില്‍ അവന്‍ പുലിയാണ്. ബംഗ്ലാദേശില്‍ നിന്നുമുള്ള അലിയാണ് രാജ്യാന്തര ക്രിക്കറ്റ് അസോസിയേഷനെ പോലും ഞെട്ടിച്ചു കളഞ്ഞത്. 

അലിയുടെ ഓഫ് സൈഡ് ഷോട്ടുകളില്‍ ഇന്റര്‍നെറ്റില്‍ വൈറലായിരുന്നു. അങ്ങിനെയാണ് ഇത് ഐസിസിയുടെ മുന്നിലേക്കും എത്തുന്നത്. അച്ഛനില്‍ നിന്നുള്ള നിര്‍ദേശങ്ങള്‍ ബംഗ്ലാദേശിന് വേണ്ടി ഒരു ദിനം കളിക്കുന്നതിലേക്ക് നിന്നെ എത്തിക്കുമെന്നാണ് ഐസിസി അലിയോട് പറയുന്നത്. 

പൊസിഷന്‍ കൃത്യമാക്കി ഓഫ് സൈഡിലേക്ക് അനായാസം ബാറ്റ് വയ്ക്കുന്ന അലിയെ ഐസിസി ഫാന്‍ ഓഫ് ദി വിക്കായി തിരഞ്ഞെടുക്കുകയും ചെയ്തു. ഇവിടം കൊണ്ടും തീര്‍ന്നില്ല. അലിയുടെ ഷോട്ടുകള്‍ക്ക് കമന്ററിയും ഗ്യാലറിയിലെ ആഘോഷവും ചേര്‍ത്ത് ഒരു റീമിക്‌സ് വീഡിയോയും ഐസിസി പിന്നാലെ ഷെയര്‍ ചെയ്തു.