'ഒരുമിച്ച് ബിയര്‍ കുടിച്ചാല്‍ തീരും ആ തെറ്റിദ്ധാരണകള്‍; ഓസീസ് നായക സ്ഥാനം ഭാഗ്യമാണ്, അംഗീകാരവും'

സിഡ്‌നി: ഓസ്‌ട്രേലിയന്‍ ക്രിക്കറ്റ് ടീം ക്യാപ്റ്റനാകാനുള്ള ആഗ്രഹം വീണ്ടും പരോക്ഷമായി പ്രകടിപ്പിച്ച് ഓപ്പണിങ് ബാറ്റര്‍ ഡേവിഡ് വാര്‍ണര്‍. ഓസീസ് ടീമിനെ നയിക്കുന്നത് ഒരു ഭാഗ്യമാണെന്നും അദ്ദേഹം പറയുന്നു. 

'ഇതുവരെയായി അത്തരമൊരു സംസാരങ്ങളൊന്നും ആരുമായും ഞാന്‍ നടത്തിയിട്ടില്ല. പക്ഷേ ഞാന്‍ പ്രതീക്ഷിക്കുന്നു. അവസാന നിമിഷത്തില്‍ ക്യാപ്റ്റന്‍ സ്ഥാനം എന്നെ തേടി വന്നാല്‍ അത് വലിയ അംഗീകാരവും ഭാഗ്യവുമാണ്. നിലവില്‍ എന്റെ ശ്രദ്ധ മുഴുവന്‍ ക്രിക്കറ്റ് കളിക്കുക എന്നതിലാണ്.' 

'ആളുകള്‍ എന്നെക്കുറിച്ച് എന്താണ് പറയുന്നതെന്ന് ഞാന്‍ ഇപ്പോള്‍ ശ്രദ്ധിക്കാറില്ല. എന്നോടൊപ്പം ഒരു ബിയര്‍ കുടിക്കാന്‍ ഇരുന്നാല്‍ തീരുന്ന തെറ്റിദ്ധാരണകളെ ഉണ്ടാകു. ഒരുമിച്ചിരുന്നു ബിയര്‍ കുടിക്കുമ്പോള്‍ നിങ്ങള്‍ക്ക് ഞാന്‍ എങ്ങനെയാണെന്ന് മനസിലാകും'- വാര്‍ണര്‍ മനസ് തുറന്നു. 

വിവാദമായ പന്ത് ചുരണ്ടല്‍ വിഷയവുമായി ബന്ധപ്പെട്ട് അന്ന് വൈസ് ക്യാപ്റ്റനായിരുന്ന വാര്‍ണര്‍ക്കും ക്യാപ്റ്റനായിരുന്ന സ്റ്റീവ് സ്മിത്തിനും വിലക്ക് വന്നിരുന്നു. ഇരുവരേയും ഓസീസ് നേതൃത്വത്തിലേക്ക് പരിഗണിക്കുന്നതിനും വിലക്കുണ്ടായിരുന്നു. അതിനിടെ ആഷസ് പോരാട്ടത്തിനിടെ സ്മിത്ത് ടീമിനെ നയിച്ചു. പിന്നാലെ വാര്‍ണറുടെ ക്യാപ്റ്റന്‍സി വിലക്ക് ഒഴിവാക്കണമെന്നും അഭിപ്രായങ്ങളുയര്‍ന്നിരുന്നു.

ഈ വാർത്ത കൂടി വായിക്കൂ 

'150 കിലോമീറ്റര്‍ വേഗതയില്‍ പന്തെറിയുന്നു; ലോകകപ്പിന് ഞാന്‍ സെലക്ട് ചെയ്യുക ഉമ്രാന്‍ മാലിക്കിനെ'

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ