മുൻ ഇന്ത്യൻ താരം അമ്പാട്ടി റായിഡു വൈഎസ്ആർ കോൺ​ഗ്രസിൽ; പാർട്ടിയിലേക്ക് സ്വാ​ഗതം ചെയ്ത് ജ​ഗൻ (വീഡിയോ)

വിജയവാഡ: മുൻ ഇന്ത്യൻ താരവും പ്രതിഭാധനനായ ബാറ്ററുമായ അമ്പാട്ടി റായിഡു വൈഎസ്ആർ കോൺ​ഗ്രസ് പാർട്ടിയിൽ ചേർന്നു. ആന്ധ്രാപ്രദേശ് മുഖ്യമന്ത്രി വൈഎസ് ജ​ഗൻ മോഹൻ റെഡ്ഡിയുടെ സാന്നിധ്യത്തിൽ വിജയവാഡയിലെ മുഖ്യമന്ത്രിയുടെ ഓഫീസിലെത്തിയാണ് പാർട്ടി അം​ഗത്വം സ്വീകരിച്ചത്. 

പ്രസിദ്ധ ഇന്ത്യൻ ക്രിക്കറ്റ് താരം അമ്പാട്ടി റായിഡു മുഖ്യമന്ത്രി വൈഎസ് ജ​ഗൻ മോഹൻ റെഡ്ഡിയുടെ സാന്നിധ്യത്തിൽ വൈഎസ്ആർ കോൺ​ഗ്രസിൽ ചേർന്നതായി വൈഎസ്ആർസിപി ഔദ്യോ​ഗിക എക്സ് (ട്വിറ്റർ) പേജിൽ വീഡിയോ സഹിതം പോസ്റ്റ് ചെയ്തു. ജ​ഗനൊപ്പം ഉപ മുഖ്യമന്ത്രി നാരായണ സ്വാമി, എംപി പെഡ്ഡിറെഡി മിഥുൻ റെഡി എന്നിവർ ചേർന്ന് മുൻ താരത്തെ പാർട്ടിയിലേക്ക് സ്വീകരിച്ചതായും വീഡിയോക്കൊപ്പം പാർട്ടി വ്യക്തമാക്കി. 

ആഭ്യന്തര ക്രിക്കറ്റിൽ ആന്ധ്രയ്ക്കായും ഹൈദരാബാദിനായും കളിച്ച താരമാണ് അമ്പാട്ടി. ഐപിഎല്ലിൽ മുംബൈ ഇന്ത്യൻസ്, ചെന്നൈ സൂപ്പർ കിങ്സ് ടീമുകൾക്കായി കളിച്ചു. കഴിഞ്ഞ സീസണിലെ ഐപിഎൽ പോരാട്ടത്തിനു പിന്നാലെ താരം സജീവ ക്രിക്കറ്റിൽ നിന്നു വിരമിച്ചു. 

ഇന്ത്യക്കായി 55 ഏകദിനങ്ങളും ആറ് ടി20 മത്സരങ്ങളും കളിച്ച താരമാണ് അമ്പാട്ടി റായിഡു. മൂന്ന് സെഞ്ച്വറികളും 10 അര്‍ധ സെഞ്ച്വറികളും താരം നേടി. ടി20യില്‍ മികച്ച സ്‌കോര്‍ 42.

ഈ വാര്‍ത്ത കൂടി വായിക്കൂ 

ദക്ഷിണാഫ്രിക്ക 408ന് പുറത്ത്, മികച്ച ലീഡ്; രണ്ടാം ഇന്നിങ്‌സില്‍ രോഹിത് സംപൂജ്യൻ, യശസ്വിയും പുറത്ത്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ