ചരിത്രം കുറിച്ച് ബംഗ്ലാദേശ്; ഓസ്ട്രേലിയയില്‍ ആദ്യ ടെസ്റ്റ് വിജയം, കങ്കാരുക്കളെ വീഴ്ത്തിയത് 9 വിക്കറ്റിന്
ആദ്യ ഇന്നിങ്സില് സെഞ്ച്വറി നേടിയ തന്‍സിദ് ഹസന്‍ രണ്ടാം ഇന്നിങ്സില് പൂജ്യത്തിന് പുറത്തായി
ബംഗ്ലാദേശ് താരങ്ങളുടെ ആഹ്ലാദംGetty/ Cricket Australia
Edited by :ബിജീഷ് ബാലകൃഷ്ണൻ
Last Updated :16 ഓഗസ്റ്റ് 2026, 11:33 am IST
ഡാര്‍വിന്‍: ടെസ്റ്റ് ക്രിക്കറ്റില്‍ ചരിത്രം കുറിച്ച് ബംഗ്ലാദേശ്. ഓസ്ട്രേലിയയെ ഒന്‍പത് വിക്കറ്റിന് തകര്‍ത്ത് ഓസ്ട്രേലിയന്‍ മണ്ണില്‍ ബംഗ്ലാദേശ് തങ്ങളുടെ ആദ്യ ടെസ്റ്റ് വിജയമാണ് സ്വന്തമാക്കിയത്. ഇരുപത്തിമൂന്ന് വര്‍ഷത്തെ കാത്തിരിപ്പിന് ശേഷമാണ് ഈ നേട്ടം. ഡാര്‍വിനില്‍ നടന്ന മത്സരത്തില്‍ ബംഗ്ലാദേശിന്റെ ഓള്‍റൗണ്ട് മികവാണ് കങ്കാരുക്കളെ കടപുഴക്കിയത്.
നാലാം ദിനം ലഞ്ചിനുശേഷം ഓസ്‌ട്രേലിയുടെ രണ്ടാം ഇന്നിങ്‌സ് 284 റണ്‍സില്‍ അവസാനിപ്പിച്ച ബംഗ്ലാദേശ്, വിജയലക്ഷ്യമായ 57 റണ്‍സ് ഒരു വിക്കറ്റ് നഷ്ടത്തില്‍ അടിച്ചെടുത്താണ് ഓസ്‌ട്രേലിയയിലെ ആദ്യ ടെസ്റ്റ് ജയം ആഘോഷിച്ചത്. 30 റണ്‍സുമായി മൊനിമുള്‍ ഹഖും 25 റണ്‍സുമായി ഷദ്മാന്‍ ഇസ്ലാമുമാണ് ബംഗ്ലാദേശിനെ ചരിത്ര വിജയത്തിലേക്ക് നയിച്ചത്. ആദ്യ ഇന്നിങ്സില് സെഞ്ച്വറി നേടിയ തന്‍സിദ് ഹസന്‍ തമീം രണ്ടാം ഇന്നിങ്സില് പൂജ്യത്തിന് പുറത്തായി. സ്‌കോര്‍: ഓസ്‌ട്രേലിയ 198 & 284, ബംഗ്ലാദേശ് 426 & 57-1.
ആദ്യ ഇന്നിങ്സില് കൂറ്റന്‍ ലീഡ് വഴങ്ങിയ ഓസ്‌ട്രേലിയക്ക് രണ്ടാം ഇന്നിങ്‌സിലും രക്ഷയുണ്ടായില്ല. ആദ്യ ഇന്നിങ്സില് ഹസന്‍ മഹ്മൂദിന്റെ ആറ് വിക്കറ്റ് പ്രകടനമാണ് ഓസ്ട്രേലിയയെ 198 റണ്‍സിന് ചുരുട്ടിക്കൂട്ടാന്‍ ബംഗ്ലാദേശിനെ സഹായിച്ചത്. മറുപടി ബാറ്റിങ്ങില്‍ തന്‍സിദ് ഹസന്‍ തമീമിന്റെ സെഞ്ച്വറി (101) കരുത്തില്‍ ബംഗ്ലാദേശ് 426 റണ്‍സ് അടിച്ചുകൂട്ടി.
രണ്ടാം ഇന്നിങ്സില് കാമറൂണ്‍ ഗ്രീന്‍ സെഞ്ച്വറിയുമായി (104) പൊരുതിയെങ്കിലും ഓസ്ട്രേലിയയ്ക്ക് 284 റണ്‍സ് മാത്രമേ എടുക്കാന്‍ സാധിച്ചുള്ളൂ. 57 റണ്‍സ് വിജയലക്ഷ്യവുമായി ഇറങ്ങിയ ബംഗ്ലാദേശ് ഒന്‍പത് വിക്കറ്റിന്റെ അനായാസ വിജയമാണ് സ്വന്തമാക്കിയത്.
2017ല്‍ സ്വന്തം നാട്ടില്‍ വെച്ച് ഓസ്ട്രേലിയയെ പരാജയപ്പെടുത്തിയ ബംഗ്ലാദേശ്, ഇതാദ്യമായാണ് ഓസ്ട്രേലിയന്‍ മണ്ണില്‍ ഒരു ടെസ്റ്റ് മത്സരം വിജയിക്കുന്നത്. ജയത്തോടെ രണ്ട് മത്സര പരമ്പരയില്‍ ബംഗ്ലാദേശ് 1-0ന് മുന്നിലെത്തി. പരമ്പരയിലെ രണ്ടാമത്തെയും അവസാനത്തെയും ടെസ്റ്റ് 22ന് മക്കായില്‍ ആരംഭിക്കും.
News Now
പഞ്ചാബില്‍ ടൂറിസ്റ്റ് ബസ് മറിഞ്ഞ് അപകടം; മലയാളി വിദ്യാര്‍ഥിനിയ്ക്ക് ദാരുണാന്ത്യം
ദീര്‍ഘദൂര യാത്രയ്ക്ക് പോകുകയാണോ?, ട്രാവല്‍ ഇന്‍ഷുറന്‍സ് മറക്കരുത്; പ്രീമിയം തെരഞ്ഞെടുക്കുമ്പോള്‍ ശ്രദ്ധിക്കേണ്ട ആറു കാര്യങ്ങള്‍
'ഇത്തിരി പോന്ന എന്റെ പിറകെ ആട്ടിന്‍ കുട്ടിയെപ്പോലെ അവന്‍ നടന്നു; ആ വീട്ടുകാര്‍ എങ്ങനെ സഹിക്കും'; പല്ലാട്ട് ബ്രഹ്മദത്തനെ ഓര്‍ത്ത് മീനാക്ഷി
'എന്നെ ഓര്‍മ്മിക്കാനായി... നന്ദിയോടെ'; അധ്യാപക ദിനത്തില്‍ 55 വര്‍ഷം പഴക്കമുള്ള ചിത്രം പങ്കിട്ട് യുഎഇ പ്രസിഡന്റ്
Summary
First Time In 23 Years: Bangladesh Stun Australia By 9 Wickets To Script History
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
