''പഹയാ... ഇജ്ജ് സുലൈമാന്‍ തന്നെ''

അര്‍ജന്റീന തോല്‍ക്കുമെന്ന് പ്രവചിച്ച അക്കില്ലസ് പൂച്ചയെ ട്രോളിക്കൊല്ലുകയാണ് ഇപ്പോള്‍ സോഷ്യല്‍ മീഡിയ. എന്നാല്‍ അക്കില്ലസിനെപ്പോലെ വി.വി.ഐ.പി പരിഗണനയൊന്നുമില്ലാതെ അര്‍ജന്റീന ജയിക്കുമെന്ന് കൂളായി പ്രവചിച്ച ഒരു കക്ഷിയുണ്ട്. മലയാളിയായ സുലൈമാന്‍ കോഴി. തമാശയല്ല. സംഗതി സത്യമാണ്. സുലൈമാന്‍ കോഴി പ്രവചനം നടത്തുന്നതിന്റെ വീഡിയോ സാമൂഹിക മാധ്യമങ്ങളില്‍ പ്രചരിക്കുകയാണിപ്പോള്‍. അര്‍ജന്റീന, നൈജീരിയ എന്നെഴുതിയ രണ്ട് പേപ്പറുകളില്‍ കോഴിക്കുള്ള ഭക്ഷണം വെച്ചു. ഇതില്‍ സുലൈമാന്‍ കോഴി തിരഞ്ഞെടുത്തത് അര്‍ജന്റീന എന്നെഴുതിയ പേപ്പറിലെ ധാന്യമാണ്. സുലൈമാന്‍ കോഴി പേപ്പറിലെ ഗോതമ്പ് മണികള്‍ കൊത്തി അര്‍ജന്റീനയുടെ വിജയം പ്രവചിച്ച് തന്റെ ചങ്ക് ടീമിനോടുള്ള ഇഷ്ടം പ്രഖ്യാപിക്കുകയായിരുന്നു.