കൊച്ചി: മാഞ്ചസ്റ്റര്‍ സിറ്റിയുടെ ഐതിഹാസിക ട്രെബിള്‍ കിരീട നേട്ടത്തിന്റെ ആരവം കൊച്ചിയിലും. ട്രെബിള്‍ കിരീട നേട്ടത്തിന്റെ ഇന്ത്യയിലെ പര്യടനത്തിനു കൊച്ചിയില്‍ തുടക്കം. 

2022-23 സീസണില്‍ നേടിയ ഇംഗ്ലീഷ് പ്രീമിയര്‍ ലീഗ്, എഫ്എ കപ്പ്, ചാമ്പ്യന്‍സ് ട്രോഫി കിരീടങ്ങളും ഒപ്പം യുവേഫ സൂപ്പര്‍ കപ്പ് കിരീടവും പര്യടനത്തിന്റെ ഭാഗമായി അണിനിരത്തിയിട്ടുണ്ട്. കൊച്ചിയില്‍ ട്രോഫിക്കൊപ്പം മാഞ്ചസ്റ്റര്‍ സിറ്റി ഇതിഹാസ താരം നെഡും ഒനൗചയും ഉണ്ട്. 

കൊച്ചിയിലെ വേമ്പനാട് കായല്‍ തീരത്തു പ്രദര്‍ശിപ്പിച്ച ട്രോഫികളുടെ ഫോട്ടോ മാഞ്ചസ്റ്റ് സിറ്റി തങ്ങളുടെ ഔദ്യോഗിക എക്‌സ് പ്ലാറ്റ്‌ഫോമില്‍ പോസ്റ്റ് ചെയ്തിട്ടുണ്ട്. 

കൊച്ചിയില്‍ നിന്നു മുംബൈയിലെത്തിക്കുന്ന ട്രോഫികള്‍ അവിടെയും പ്രദര്‍ശിപ്പിക്കും. മാഞ്ചസ്റ്റര്‍ സിറ്റിയുടെ സിസ്റ്റര്‍ ക്ലബായ മുംബൈ സിറ്റി എഫ്‌സിയുടെ (സിറ്റി ഫുട്‌ബോള്‍ ഗ്രൂപ്പ്) തട്ടകമാണ് മുംബൈ.

ഈ വാര്‍ത്ത കൂടി വായിക്കൂ

കനത്ത മഴയിലും ഒലിക്കാത്ത പോരാട്ട വീര്യം; ബംഗളൂരുവിനെ തകര്‍ത്ത് മഞ്ഞപ്പട; മധുര പ്രതികാരം!

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ