മോഹന്‍ ബഗാന്‍ സൂപ്പര്‍ ജയന്റ്‌സ് ഐഎസ്എല്‍ ചാംപ്യന്‍മാര്‍; ബംഗളൂരുവിനെ വീഴ്ത്തി കിരീടം നിലനിര്‍ത്തി
ലീഗ് വിന്നേഴ്സ് ഷീൽഡ് മോഹൻ ബഗാൻ നേടിയിരുന്നു. ഇതോടെ ഒറ്റ സീസണിൽ വിന്നേഴ്സ് ഷീൽഡും കപ്പും സ്വന്തമാക്കുന്ന ചരിത്രത്തിലെ ആദ്യ ടീമായി മോഹൻ ബഗാൻ മാറി.
മോഹൻ ബഗാൻ- ബംഗളൂരു പോരാട്ടംഎക്സ്
Edited by :renjith.k
Last Updated :12 ഏപ്രിൽ 2025, 10:26 pm IST
കൊല്‍ക്കത്ത: ഇന്ത്യന്‍ സൂപ്പര്‍ ലീഗ് ഫുട്‌ബോള്‍ കിരീടം നിലനിര്‍ത്തി മോഹന്‍ ബഗാന്‍ സൂപ്പര്‍ ജയന്റ്‌സ്. അധിക സമയത്തേക്ക് നീണ്ട പോരാട്ടത്തില്‍ ബംഗളൂരു എഫ്‌സിയെ ഒന്നിനെതിരെ രണ്ട് ഗോളുകള്‍ക്ക് വീഴ്ത്തിയാണ് മോഹന്‍ ബഗാന്‍ കിരീടം നിലനിര്‍ത്തിയത്.
നേരത്തെ ലീഗ് വിന്നേഴ്സ് ഷീൽഡ് മോഹൻ ബഗാൻ നേടിയിരുന്നു. ഇതോടെ ഒറ്റ സീസണിൽ വിന്നേഴ്സ് ഷീൽഡും കപ്പും സ്വന്തമാക്കുന്ന ചരിത്രത്തിലെ ആദ്യ ടീമായി മോഹൻ ബഗാനൻ മാറി.
കളി തുടങ്ങി ആദ്യ പകുതി ഗോള്‍ രഹിതമായിരുന്നു. രണ്ടാം പകുതി തുടങ്ങി 49ാം മിനിറ്റില്‍ ആല്‍ബര്‍ട്ടോ റോഡ്രിഗസിന്റെ ഓണ്‍ ഗോളില്‍ ബംഗളൂരുവാണ് ലീഡെടുത്തത്.
72ാം മിനിറ്റില്‍ മോഹന്‍ ബഗാന്‍ സമനില പിടിച്ചു. ജാസന്‍ കമ്മിങ്‌സ് പെനാല്‍റ്റിയിലൂടെ ടീമിനു സമനില സമ്മാനിക്കുകയായിരുന്നു. നിശ്ചിത സമയത്ത് 1-1നു സമനിലയില്‍ പിരിഞ്ഞതോടെ കിരീട നിര്‍ണയം അധിക സമയത്തേക്ക്.
അധിക സമയത്തിന്റെ തുടക്കത്തില്‍ തന്നെ മോഹന്‍ ബഗാന്‍ രണ്ടാം ഗോള്‍ നേടി മുന്നിലെത്തി. ജാമി മക്‌ലാരനാണ് ടീമിന്റെ വിജയ ഗോള്‍ വലയിലാക്കിയത്. കിട്ടിയ ലീഡ് പിന്നീട് കൈവിടാതെ ബംഗളൂരുവിനെ സമര്‍ഥമായി പ്രതിരോധിച്ച് മോഹന്‍ ബഗാന്‍ കിരീട നേട്ടം ആവര്‍ത്തിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
Related topics
News Now
ബംഗാളിലെ 'താരസുന്ദരി'; നടി രുക്മിണി മല്ലിക് ബിജെപിയില്‍
'എത്ര ചിരിച്ചാലും വയസ് കുറയില്ല, ആന്റി സ്‌റ്റേജും കഴിയാറായി'; പരിഹാസ കമന്റിന് മറുപടി നല്‍കി നവ്യ നായര്‍
മുഖ്യ തെരഞ്ഞെടുപ്പ് കമ്മീഷണറെ അടിയന്തരമായി സസ്പെൻഡ് ചെയ്യണമെന്ന ആവശ്യം തള്ളി സുപ്രീം കോടതി: കേന്ദ്രത്തിനും സിഇസിക്കും നോട്ടീസ്
കരുത്തുറ്റ 9000 എംഎഎച്ച് ബാറ്ററി, 200എംപി മെയിന്‍ കാമറ; വണ്‍പ്ലസ് 16 ലോഞ്ച് ഒക്ടോബര്‍ 12ന്
