സാവോപോളോ: ബ്രസീൽ സൂപ്പർ താരം നെയ്മറും പങ്കാളി ബ്രൂണ ബിയാൻകാർഡിയും പിരിഞ്ഞു. ഓൺലി ഫാൻസ് മോഡൽ അലിൻ ഫരിയാസുമായുള്ള നെയ്മറുടെ ചാറ്റുകൾ കഴിഞ്ഞ ​ദിവസം പുറത്തു വന്നിരുന്നു പിന്നാലെയാണ് പിരിയാനുള്ള തീരുമാനം.

കഴിഞ്ഞ മാസമാണ് നെയ്മറിനും ബ്രൂണയ്ക്കും പെൺകുഞ്ഞ് പിറന്നത്. അതിനിടെയാണ് നെയ്മറും അലിനും തമ്മിലുള്ള ചാറ്റുകൾ വലിയ തോതിൽ പ്രചരിക്കപ്പെട്ടത്. 

ഇതുമായി ബന്ധപ്പെട്ട് വാർത്തകളും മറ്റും പ്രചരിക്കുന്നുണ്ട്. അഭ്യൂഹങ്ങളും നിരവധി പരക്കുന്നു. അതിനാൽ ചില കാര്യങ്ങൾ വിശദീകരിക്കാനുണ്ടെന്നു വ്യക്തമാക്കിയാണ് താനും നെയ്മറും തമ്മിലുള്ള ബന്ധത്തെക്കുറിച്ച് ബ്രൂണ വ്യക്തത വരുത്തിയത്. തങ്ങൾ മാവിയുടെ രക്ഷിതാക്കളാണ്. അതു മാത്രമാണ് നെയ്മറുമായുള്ള ബന്ധത്തിനു കാരണമെന്നു കഴിഞ്ഞ ദിവസം ബ്രൂണ പ്രതികരിച്ചു. തന്റെ സ്വകാര്യ വിഷയമാണ് ഇക്കാര്യമെന്നും ബ്രൂണ വ്യക്തമാക്കി. 

ഇത്തരം വിവാദങ്ങളിൽ നേരത്തെയും നെയ്മർ അകപ്പെട്ടിട്ടുണ്ട്. ഈ വർഷം ആദ്യം രണ്ട് യുവതികളുമായി സ്പാനിഷ് ക്ലബിൽ നെയ്മർ പാർട്ടി നടത്തിയിരുന്നു. ഇതിന്റെ ചിത്രങ്ങളും പുറത്തു വന്നു. പിന്നാലെ ഇൻഫ്ലുവൻസറായ ഫെണാണ്ട കാംപോസുമായി താരത്തിനു ബന്ധമുണ്ടെന്ന അഭ്യൂഹങ്ങളും പ്രചരിച്ചിരുന്നു. 

നിലവിൽ താരം പരിക്കേറ്റ് വിശ്രമത്തിലാണ്. ഉറു​ഗ്വെക്കെതിരായ പോരാട്ടത്തിനിടെ പരിക്കേറ്റ നെയ്മർക്ക് ദീർഘ നാളത്തേക്ക് കളത്തിലിറങ്ങാൻ സാധിക്കില്ല. സൗദി ക്ലബ് അൽ ​ഹിലാലിന്റെ താരമാണ് നെയ്മർ. 

ഈ വാർത്ത കൂടി വായിക്കൂ

ചരിത്ര നേട്ടം! ഉഗാണ്ട ആദ്യമായി ടി20 ലോകകപ്പിന്, സിംബാബ്‌വെ പുറത്ത്

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ