ഹൈദരാബാദ്: ഐപിഎൽ മത്സരത്തിനു മുന്നോടിയായി കശ്മീരിലെ പഹൽ​ഗാമിൽ ഭീകരാക്രമണത്തിനു ഇരയായവർക്ക് ആദരമർപ്പിച്ച് മൗനമാചരിച്ചിരുന്നു. എന്നാൽ മറ്റുള്ളവർ ആദർമർപ്പിക്കുമ്പോൾ മുംബൈ ഇന്ത്യൻസ് നായകൻ ഹർ​ദിക് പാണ്ഡ്യ അതൊന്നും ശ്രദ്ധിക്കാതെ അടുത്തു നിന്ന സഹ താരത്തോട് ചരിച്ചു സംസാരിക്കുകയായിരുന്നു. ഇതിന്റെ വിഡിയോ പുറത്തു വന്നതോടെ മുംബൈ ക്യാപ്റ്റനെതിരെ വലിയ വിമർശനങ്ങളാണ് ഉയർന്നത്.

ഭീകരാക്രമണത്തിൽ മരിച്ചവർക്ക് ആദരമർപ്പിക്കുമ്പോൾ അതു ​ഗൗനിക്കാതെ സംസാരം തുടർന്ന ഹർദികിന്റെ പ്രവൃത്തി അപമാനകരമാണെന്നു ഒരു വിഭാ​ഗം ആരാധകർ സമൂഹ മാധ്യമങ്ങളിൽ കുറിച്ചു. മത്സരത്തിൽ താരങ്ങൾ കറുത്ത ആംബാൻഡ് അണിഞ്ഞാണ് കളത്തിലെത്തിയത്.

ഏഷ്യൻ അത്‍ലറ്റിക്സ്; ഇന്ത്യൻ ടീമിനെ പ്രഖ്യാപിച്ചു, നീരജ് മത്സരിക്കില്ല

പോരാട്ടത്തിനു മുന്നോടിയായി ഒരു മിനിറ്റ് മൗനമാചരിച്ചാണ് മത്സരം തുടങ്ങിയത്. ടോസിനു പിന്നാലെ ആക്രമണത്തെ ഇരു ക്യാപ്റ്റൻമാർ അപലപിച്ചു. ആക്രമണത്തിൽ ജീവൻ നഷ്ടമായർക്ക് ആ​ദമർപ്പിക്കുകയും ചെയ്തു. മത്സരത്തിനു മുന്നോടിയായുള്ള വെടിക്കെട്ട്, ചിയർ ​ഗേൾസിന്റെ നൃത്തം, സം​ഗീതം, ഡിജെ എന്നിവയെല്ലാം ഒഴിവാക്കിയിരുന്നു.